هەواڵ
فرانک کاپریۆ ئەو منداڵەی لە بۆیاخچی پێڵاوەوە بووە بەنێوبانگترین دادوەریی جیهان
2025-08-21
دادوەرە خۆشەویست و میهرەبانەکەی ئەمریکا فرانک کاپریۆ
لە تەمەنی 88 ساڵییدا بەهۆی نەخۆشییەوە کۆچی دوایی کرد.
دادوەرە میهرەبانەکە یان فرانک
کاپیرۆ، لە منداڵێکی بۆیاخچێتی پێڵا و دابەشکردنی رۆژنامە بەسەر ماڵاندا بووە بەنێوبانگرترین دادوەری جیهان.
رۆژی 20 ئاب جیهان میهرەبانترین و بەسۆزترین دادوەری لەدەستدا،
بەهۆی نەرم و نیانی و بەزیی بۆ تاوانباران و تاوانلێکراون نێوبانگێکی زۆری
پەیداکردبوو، خەڵکی لە تەواوی جیهان خۆشیان دەویست.
رەنگە فرانک کاپریۆ تاکە دادوەربێت لە جیهاندا تاوانباران حەزبکەن، بچنە
ناو دادگا و دادگاییان بکات، چونکە بە ڕووە خۆشە هەمیشەییەکەی و حەکیمی و
داناییەکەی هیوای بۆ تاوانباران و تاوانلێکراوان دەگێڕایەوە.
هەر بەهۆی ئەو رەفتارانەی لەگەڵ تاوانباران و تاوانلکراوان، ڤیدیۆیی
دانیشتنەکانی دادگایی سەدان ملیۆن بینەری هەبوو.
رۆژی چوارشەممە، 20ی ئابی 2025، بنەماڵەی فرانک
کاپریۆ، مردنی فرانکیان راگەیاند، کە ماوەی دوو ساڵ بوو تووشی نەخۆشی شێرپەنجەی
پەنکریاس بووبوو، رۆژی چوارشەممە بەهۆی نەخۆشییەکەیەوە کۆچی دوایی کرد.
فرانک ئەوەندە میهرەبان بوو، تەنانەت لەکاتی
نەخۆشییەکەشیدا ڤیدیۆی بڵاودەکردەوە و داوای لە تووشبوانی شێرپەنجە دەکرد خۆڕاگربن
و ئیرادەیان هەبێت سەردەکەون، هیوای بۆ دەگەڕاندنەوە.
کاپریۆ لە ساڵی 1985 وەک دادوەر دەستبەکاربوو و
بەهۆی زنجیرە تەلەڤزیۆنییەکەی "لەشاری پرۆڤیدێنس گیرا"، ناوبانگی
دەرکرد، کە لە ساڵی 2021 بۆ خەڵاتی بەناوبانگی ئیمی پاڵێورا.
کاپریۆ لە مانگی کانوونی دووەمی 2023دا و دوای
نزیکەی 40 ساڵ لە کارکردن لە بواری دادوەری خانەنشینبوونی خۆی لە دادگەی شارەوانیی
پرۆڤیدێنس راگەیاند.
کاپریۆ لە 24ـی تشرینی دووەمی 1936 لە شاری پرۆڤیدێنس لە ویلایەتی رۆد ئایلاندی ئەمریکا لەدایکبووە و
هەر لەوێش خوێندوویەتی.
More News
 copy.jpg)
Most Popular
-
بەغدا بڕیاری ناردنی موچە دەداتە دەست دوو کەس
هەواڵ2025-08-20
1
-
هەفتەیەکی یەکلاکەرەوە بۆ مووچە چاوەرێی فەرمانبەران و مووچەخۆران دەکات
هەواڵ2025-08-17
2
-
"بەبێ رێککەوتن لەسەر پۆستەکان کۆبوونەوەی پەرلەمان لە مانگی ئەیلول ئەگەرێکی دورە"
هەواڵ2025-08-17
3
-
.jpg)
سەگی جۆری دوبرمان، لە کۆکرنەوەی باجەوە بۆ پاسەوانی جیهان
هەواڵ2025-08-20
4
-
لە کاتی خۆڵبارین پێویستە چی بکەین و کاریگەرییەکانی لەسەر تەندروستی چیین؟
تەندروستی2025-08-17
5
-
ئاگرەکەی هەڵەبجە لە کۆنترۆڵ دەرچووە
هەواڵ2025-08-18
6
-
بە بڕیاری قوباد تاڵەبانی وەک رێزێک شوێنێک لە هەڵەبجە دەکرێت بەناوی ئاری موختارەوە
هەواڵ2025-08-18
7
-
رێککەوتن کراوە.. تەنها دەستپێکردنەوەی هەناردەی نەوت ماوە
هەواڵ2025-08-19
8
هەواڵ
گیایەکی هەرزان و چەکێکی سروشتی دژی خانەکانی شێرپەنجە
2025-08-21
سەرەڕای ئەوەی لە زۆربەی
بازاڕەکان بە نرخێکی هەرزان بەردەستە، بەڵام زۆربەیان گرنگی ڕەیحانە پشتگوێ دەخەن،
گەڵای سەوزی بۆنخۆشە کە سوودی تەندروستی سەرسوڕهێنەری هەیە و دەتوانێت ژیانت بگۆڕێت.
ڕەیحانە رەنگە تامێکی
تایبەت بە پیتزا یان پاستا نابەخشێت، بەڵام گەنجینەیەکی خۆراکە، کە دەتوانێت جەتەی
مرۆڤ لە نەخۆشییە مەترسیدارەکان بپارێزێت، لەوانە شێرپەنجە و بەرزی پەستانی خوێن.
توێژینەوەکان دەریخستووە
کە پێکهاتەی خۆراکی و ماددەی چالاکی تێدایە، کە دژی هەوکردن و بەکتریا دەجەنگێت و
تەندروستی جەستەیی و دەروونی بەهێز دەکات.
جیلیان کۆلبێرتسۆن پسپۆڕی
خۆراک لە کلینیکی کلیڤلاند ڕوونی دەکاتەوە، کە ڕەیحانە یوجینۆڵ تێدایە، ڕۆنێکی
سروشتی کە یارمەتی شلکردنەوەی دەمارەکانی خوێن دەدات و یارمەتیدەرە بۆ دابەزاندنی
پەستانی خوێن بە شێوەیەکی سروشتی.
سەرنجڕاکێشترین لایەن ڕۆڵی
ڕەیحان لە بەرەنگاربوونەوەی شێرپەنجەیە، توێژینەوەیەک کە لە ساڵی 2016 لە گۆڤاری Molecules بڵاوکرایەوە دەریخست، کە زەیتی
ڕەیحانە ڕێگری لە گەشەی خانەکانی شێرپەنجەی کۆلۆن دەکات.
دەرکەوتووە کە پێنج جۆری
جیاوازی ڕەیحانە تایبەتمەندی دژە شێرپەنجەیان هەیە، چونکە ڕێگری لە گەشەی خانە شێرپەنجەییەکان
دەکەن و لەناویان دەبەن، هەرچەندە توێژینەوەکان هێشتا لە قۆناغە سەرەتاییەکانیدایە،
بەڵام ئەنجامەکان پێگەی ڕەیحانە وەک گیایەکی پارێزەری پێویست دووپات دەکەنەوە.
هەروەها ڕەیحانە سەرچاوەیەکی
دەوڵەمەندە لە دژە ئۆکسیدەکان، کە ماددە سروشتییەکانن کە خانەکان دەپارێزن لە زیانەکانی
ڕادیکاڵە ئازادەکان، کە دەبێتە هۆی نەخۆشییەکانی وەک هەوکردنی جومگەکان، نەخۆشییەکانی
دڵ، ئاوی سپی چاو و تەنانەت شێرپەنجە.
شارەزایان دەڵێن
خواردنی ڕێحان بە بەردەوامی لەوانەیە وەک قەڵغانێکی بەهێز بێت بۆ پاراستنی جەستە لە
کاریگەرییەکانی سترێس، پیسبوونی ژینگە و بەرکەوتنی تیشکی خۆر.
لە کۆتاییدا، گەڵای ڕەیحان
لەوانەیە وەک زیادەیەکی سادە دەربکەوێت بۆ قاپەکە، بەڵام لە ڕاستیدا چەکێکی سروشتییە
و سوودی زۆری هەیە.
