زانست

زیرەکی دەستکرد، کەمتر لە هەفتەیەک شێرپەنجە دەستنیشان دەکات و چارەسەرەکەشی دیاری دەکات؟

چارەسەری شێرپەنجە چووەتە سەردەمێکی نوێ، سەردەمێک کە ئیتر یەک جۆر چارەسەر بۆ هەموو نەخۆشەکان نەماوە.

ئەمڕۆ بە یارمەتی زیرەکی دەستکرد، پزیشکان دەتوانن بە وردبینییەکی بێ وێنە شیکاری بۆ تایبەتمەندییە بۆماوەییەکان بکەن و چارەسەرکردن بەپێی نەخشەی بۆماوەیی هەر نەخۆشێک دابڕێژن، نەک لەسەر بنەمای پێشبینیکردن یان ئەزموونی گشتی چارەسەرکردن؛ کە پێشتر دوای چەندین ساڵ دەگەیشتنە ئەنجام.

کۆمپانیای ئینسیلیکۆ مێدیسن توانی تەنها لە چەند مانگێکدا دەرمانێکی تایبەت بۆ چارەسەرکردنی شێرپەنجەی هێلکەدان دیزاین بکات. سەرەڕای ئەوەش، تاقیکردنەوە داهێنەرەکانی وەک CancerSEEK کە شیکاری DNA و پرۆتینەکانی خوێن دەکات، توانای دۆزینەوەی چەند جۆرێکی شێرپەنجەیان هەیە لە قۆناغە زۆر سەرەتاییەکاندا بەمەش چارەسەرکردنی ئەو جۆرەی شێرپەنجە ئەگەری سەرکەوتنی زۆر زیاتر دەبێت.

زیرەکی دەستکرد خەریکە دەگاتە ئاستێک کە لە داهاتوویەکی زۆر نزیکدا دۆزینەوەی دەرمان و دەستنیشانکردنی شێرپەنجە و دیزاینکردنی چارەسەری کەسی، لە کەمتر لە هەفتەیەکدا ئەنجام بدات.

هەواڵ

موقتەتا سەدر هاتە دەنگ

موقتەدا سەدر، ڕێبەری ڕەوتی سەرد، لەراگەیەندراوێكدا ڕایگەیاند،"ئەمە یەکەم ھەڵبژاردنە لەعێراق بەبێ بەشداری ڕەوتی شیعی نیشتیمانی(ڕەوتی سەدر) ئەمەش دڵەڕاوکێی زۆری لای ھاوڵاتیان دروستکردوە کە بەشداری ھەڵبژاردن دەکەن". دەشڵێت،" لەگەڵ دڵەڕاوکێی خەڵک چەندین سیناریۆ دروستکراوە کەگوایە ڕەوتی سەدر بەبەکارھێنای ھێز رێگە نادەن بگەنە سندوقەکانی ھەڵبژاردن، یاخود وتراوە، ڕەوتی سەدر فیتنە دروست دەکات بۆ ئەوەی کەشێکی ئارام بۆ ھەڵبژاردن نەخوڵقێت و بەلایەنگرییە ملیۆنیەکەی دێتە سەر شەقام و خۆپیشاندان دەکات، جەختیش دەكاتەوە،" ھەرچەندە ئێمەلەگۆڕەپانی سیاسی نەماون بەڵام ھەموو تیرەکانیان بۆ سەر ئێمەیە". سەدر لەڕاگەیەندراوەكەیدا بەبێ ناوهێنان پەیامێكی ئاگرین ئاڕاستە دەكات و دەڵێت،" ئەگەر گردبونەوەو ناڕەزایەتی و بەگژداچونەوەتان دەوێت ئێمە خۆمان خاوەنی ئەوەین و فەرموو خۆتان تاقی بکەنەوە و ئێمە لەھەڕەشەکانتان ناترسین".
دەشلێت،" ئەوەی لەگەڕانەوەی بەعس دەترسێت و خەڵکی پێدەترسێنێت ئەوە حزبێکی بێ کەڵکە".
ھەروەھا لەبارەی خزمەتگوزاری و پەرەوردەو وشکە ساڵی و تەندروستی و دۆسیەی ئەمنی پێی وایە، لەخراپترین ئاستتدان و نوسیویەتی،" ھۆزەکان لەلایەک و میلیشیاکان لەلایەک بونەتە بەڵاو خوێنی عێراقی دەرێژرێت".
لەكۆتایی ڕاگەیەندراوەكەشیدا دوپاتیدەكاتەوە،" ئێوە باسی ئەوە دەکەن کە عێراق و گەلەکەی لەگەڵتانە، کەچی گەلی عێراق بەھۆی بێ کاری و ھەژاری و نەخۆشی و گەندەڵییەوە دەناڵێنێت و رڕوی لەزیادبونیشە، كەئەو مەترسیە مەترسی ئاینی عەقیدەشە نەک تەنھا نیشتیمانی ئێوە کەی شیعە