هەواڵ

سێ ساڵە هێندە بەهای دۆلار دانەبەزیوە

Mic
2025-07-21


دابەزینی بەهای دۆلار بەرامبەی بە دیناری عێراقی لە ساڵانی رابردوودا کارێکی ئەستەمبوو، بەڵام ئێستا بە دوهۆکار بەهاین 100 دۆلار  بۆ خوار 140 هەزار دینار دابەزیوە،  بەڵم هێشتا کاریگەری نەکردووەتە سەر  دابەزینی نرخی کاڵاو شمەک لە بازاڕەکاندا.

ئەمڕۆ 100 دۆلار بە 139 هەزار دیناری عیراقی مامەڵەی پێوەکرا، ئەو دابەزینە چاوەڕواننەکراوە بەبێ هیچ دەستێوەردانێکی حکومەتی عێراقە، لەماوەی رابردوودا حکومەتی عێراق و بانکی ناوەندیی هەوڵی زۆریاندا بۆ دابەزینی بەهای دۆلار بۆ ئەو نرخەی بانکی ناوەندی دیاریکردووە"131 هەزار دینار" بەڵام سەرکەوتوو نەبوون.

لە سێ ساڵی رابردوودا بەهای 100 دۆلار لەسەرو 150 هەزار دینارەوە بوو، ئەمەش دەرگای بەڕووی حەواڵەکردن و مامەڵەکردندا کردەوە و هەر ئەمەش وایکرد، بەهای دۆلار بەرامبەر بە دینار بە بەرزی بمێنێتەوە و لە هەندێکک کاتیشدا 100 ۆلار  دەگەیشتە سەروو 170 هەزار دینار.

مانگێک زیاترە بەشێوەیەکی چاوەڕواننەکراو بەهای دۆلار بەرمبەر بە دینار دابەزیوە، جگە لە هۆکارە ناوخۆییەکان، مامەڵەنەکردن بە حەواڵەکردنی دۆلارەوە وایکرد زیاتر بەهاکەی دابەزێت، لەبەرئەوەی کاتێک بەهای دۆلار دادەبەزێت، حەواڵەکردنی دۆلار و گۆڕینەوەی بۆ دینار قازانجێکی ئەوتۆ ناکات.

بەوتەی د. جەبار گۆران، وتەبێژی  بازاڕی دۆلارەکەی سلێمانی دوفاکتەری سەرەکی وایکردووە، بەهای دۆلار بەڕێژەیەکی بەرچاو بەرامبەر بە دینار دابەزێت.

هۆکارەی یەکەم ئەوەیە، کەمی نەختینەی دینار لە بازاڕدا، وەزارەتی دارایی عێراق گرفتی پارەی نەختینەیی هەیە و ئەمەش کاریگەری راستەوخۆی کردووەتە سەر دابەزینی بەهای دۆلار و بەرزبونەوەی بەهای دینار.

هەروەها وتی: هۆکاری دووەم ئەوەیە، ئەو دۆلارە زیادە لە بازرگانیدا حەواڵە دەکرێت جارێکی تر هاوردەی ناوخۆی عێراق دەکرێتەوە، ئەمەش وایکردووە خستنە روی دۆلار زیادبێت و خواسی لەسەر کەمببێتەوە.

وتەبێژی  بازاڕی دۆلارەکەی سلێمانی پێشبینی دەکات بەهای دۆلار بەرامبەر بە دینار زیاتر دابەزێت و دەڵێت: بەهای 100 دۆلار بۆ خوار 138 هەزار دینار دادەبەزێت.

لەساڵانی رابردوودا، لەگەڵ بەرزبوونەوەی بەهای دۆلار بەرامبەر بە دینار، ننرخی کاڵاو شمەکک لە بازاڕەکاندا بەرزبوونەوە، بەڵام لە ماوەی مانگی رابردوودا نرخەکان لە بازاڕدا بە بەرزی ماونەتەوە و هیچ گۆڕانکاریییەکی بەسەردا نەهاتووە.

بابەتی لێکچو

More News

Most Popular

هەواڵ

وابڕوات فریا ناکەون.. پارتی و یەکێتی دەیانەوێت پێش هەڵبژاردنی عێراق حکومەت پێکبهێنن

Mic
2025-07-26


دوای زیاتر لە نۆ مانگ لە هەڵبژاردنی پەرلەمانی کوردستان، پارتی و یەکێی وادەی پێکهێنانی کابینەی نوێ رادەگەیەنن، بەڵام هیچ هەنگاوێکی کردەیی نەنراوە بۆ کۆبونەوەی ئەو دوو حزبە و رێککەتن لەسەر پێکهێنانی حکومەت.

دوو مانگە کۆبونەوەکانی یەکێتی و پارتی بۆ گفتوگۆکردن لەسەر پێکهێنانی حکومەت وەستاوە، جیاوازی تێڕوانینی هەردوولا بۆ دابەشکردنی پۆستەکان هۆکاری رێکنەکەوتنیانە بۆ پێکهێنانی حکومەت.

یەکێتی پرۆژەیەکی بۆ دابەشکردنی پۆستەکان خستووەتە بەردەم پاتی، کە تێیدا پۆستەکانی پۆلێن کردووە بۆ سەرۆکایەتییەکان، وەزارەتە سیادییەکان، وەزارەتە خزمەتگوزارییەکان و دەستە و فەرمانگەکان، لەبەرامبەردا پارتی دەیەوێت بەپێ بەرکەوتەی هەڵبژاردن بێت و رازینییە بە پرۆژەکەی یەکێتی.

رۆژی 8ـى نیسان، نێچیرڤان بارزانی، سەرۆکی هەرێمی کوردستان وتی: "گفتوگۆی ئێمە بۆ ئەوەیە بەزووترین کات حکومەت پێکبهێندرێت، هیچ نییەتێک نە لەلایەن ئێمە نە لەلایەن یەکێتییەوە بۆ دواخستنی پێکهێنانی حکومەت نییە".

زیاتر لە سێ مانگ بەسەر قسەکانی نێچیرڤان بارزانیدا تێپەڕیوە، کە لە هەمانکاتدا جێگری سەرۆکی پارتییە، بەڵام هیچ ئاسۆکی روون نییە بۆ پێکهێنانی حکومەت، بەپێی زانیارییەکان، هیچ وادەیەکی نوێ بۆ کۆپبونەوەی پارتی و یەکێتی لەسەر پێکههێنانی حکومەت دیاری نەکراوە.

رۆژی 19ـى تەمموز، لەمیانی کۆبونەوەی لەگەڵ بباڵیۆزی ئەمریکا لە عێراق، مەسرور بارزانی سەرۆکی حکومەتی هەرێم رایگەیاند، پێویستە کابینەی نوێی حکومەتی هەرێمی کوردستان پێش هەڵبژاردنی پەرلەمانی عێراق پێکبهێنرێت.

هەروەها رۆژی 24ـى تەمموز، بافڵ تاڵەبانی، سەرۆکی یەکێتیی نیشتمانیی کوردستان لە میانی کۆبونەوەی لەگەڵ یان برێم، کونسوڵی گشتیی فەڕەنسا لە هەرێمی کوردستان رایگەیاند، هەموو هەوڵەکانیان بەو ئاڕاستەیەن کە حکومەتی نوێ پێش هەڵبژاردنی عیراق پێکبهێنین.

وابڕارە رۆژی 11ـى 11ـى ئەمساڵ هەڵبژاردنی پەرلەمانی عێراق ئەنجامبدرێت، لە ئێستادا سێ مانگی ماوە، لەگەڵ ئەوەی پارتی و یەکێتی هەنگاوی کردەییان نەناوە بۆ پێکهێنانی حکومەت، رێکارەکانی کۆبونەوەی پەرلەمان و هەڵبژاردنی دەستەی سەرۆکایەتی پەرلەمان و رێکارەکانی پێکهێنانی حکومەت زیاتر لە دوو مانگی پێویستە.


TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved