هەواڵ

ڕێککەوتنی هەولێر و بەغدا لەسەر مووچە کێشەی تێکەوتوە

Mic
2025-08-11

ڕێککەوتنی هەولێر و بەغدا کێشەی نوێی بۆ دروستبووە و چوار خاڵی ناکۆک لەنێوان هەردوو حکومەت ناردنی مووچەی دواخستووە، فەرمانبەران و مووچەخۆرانیش رۆژەکان دەبژێرن بۆ وەرگرتنی مووچە.

لە ناوەڕاستی مانگی ڕابردوو هەولێر و بەغدا لێکتێگەیشتنێکی گشتگیریان واژۆکرد، ئێستا میکانیزمی جێبەجێکردنی ڕێککەوتنە بووەتە کێشە و مووچەی ڕاگرتووە.

بەپێی زانیارییەکانی دیجیتاڵ میدیای MIC یەکێک لە خاڵە ناکۆکەکان میکانیکی ناونانی هەناردەکردنی نەوتە، بەغدا ناوی ڕادەستکردنی لێناوە و هەرێم ڕازینییە و دەڵێت، هەناردەکردنە نەک ڕادەستکردن.

ناکۆکییەکی دیکە ئەوەیە بەغدا داوای داهاتی پاڵاوتنی بڕی نەوتی ناوخۆ واتە 50 هەزار بەرمیلەکە دەکات و هەولێر ڕازی نییە، هەروەها عێراق داوای هەموو داهاتی ناوخۆ دەکات و هەرێم دەڵێ نەخێر نیوەی داهاتە فیدراڵییەکانتان دەدەینێ.

یەکێکی دیکە لەو کێشانەی بەلای هەرێمی کوردستانەوە ئەساسییە کاتی خەرجکردنی مووچەیە، هەولێر دەڵێت لە کاتی خۆی مووچە بنێرن بەغدا ڕەتی دەکات و دەڵێت، تا نەوت و داهاتی ناوخۆ ڕادەست نەکەن مووچە نییە.

ئەم چوار خاڵە بوونەتە هۆی راگرتنی مووچە و نەناردنی لەلایەن حکومەتی عێراقەوە، مووچە خۆران و فەرمانبەرانی هەرێمی کوردستان-یش لە چاوەڕوانیدا ڕۆژەکان دەژمێرن، تا ئەم خاڵە ناکۆکانەش چەرەسەر نەکرێت ناردنی مووچە ئەستەم دەبێت. 

ئەوە لە کاتێکدایە، نزیکدەبینەوە لە ناوەراستی مانگی ئاب، هێشتا فەرمانبەران و مووچە خۆرانی هەرێمی کوردستان مووچەی مانگەکانی حوزەیران و تەمموزیان وەرنەگرتووە و دیاریشنییە کەی وەری دەگرن.

بەپێی دوایین ڕێککەونی نێوان هەولێر و بەغدا، لەبەرامبەر ناردنی مووچە لە عێراقەوە دەبێت هەرێمی کوردستان، ڕۆژانە 230 هەزار بەرمیل نەوت بە عێراق بدات و مانگانەش لە داهاتی ناوخۆ 120 ملیار دینار بخاتە سەر هەژماریی وەزارەتی دارایی عێراق.


بابەتی لێکچو

More News

Most Popular

تەندروستی

9 ڕێگا بۆ خۆ دوور خستنەوە لە نەخۆشی شەکرە

Mic
2025-08-11

نۆ ڕێگە بۆ خۆ دوور خستنەوە لە نەخۆشی شەکرە:

1- هەتا دەتوانێت واز لە بەکارهێنانی شەکر بهێنە لە خواردن و خواردنەوەکانتدا.

2- وەرزشکردن بە شێوازێکی بەرنامە بۆ داڕێژراو.

3- ئاو بکە بە خواردنەوەی سەرەکی ڕۆژانەت، بە شێوەیەک مەهێڵە هەست بە تینووێتی بکەیت.

4- هەوڵ بدە کێشت دابەزێنە ئەگەر کێشەی قەڵەوی و کێشی زیادەت هەیە.

5- بۆ هەمیشە واز لە جگەرە و نێرگەلە و جگەرەی ئەلیکترۆنی بهێنە.

6- هەوڵ بدە ڕێژەی کاربۆهیدرات لە بەرنامە خۆراکییەکانتدا کەم بکەرەوە.

7- دوورکەوتنەوە لە زۆر دانیشتن، هەوڵ بدە ئەو کارانە زۆر ئەنجام مەدە کە بە دانیشتنەوەیە.

8- ئەو خۆراکانە زۆر بخۆ کە ڕێژەیەکی زۆر ڕیشاڵی تێدایە.

9- کەمکردنەوەی خواردەمەنییە ئامادەکراوەکان.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved