هەواڵ
رۆژنامەی شەرقولئەوسەت زانیاری گرنگ لەبارەی رێککەوتی کۆتایی هەرێم و بەغدا ئاشکرا دەکات
2025-07-07
بەپێی راپۆرتێکی رۆژنامەی شەرولئەوسەت، سەرۆکی پەرلەمانی
عێراق لەلایەن سودانییەوە راسپێردراوە بۆ نێوەندگیریی لەنێوان هەرێم و بەغدا و گفتوگۆکان
بەرەوپێش چوون و لەم هەفتەیەدا رێککەوتنی کۆتایی رادەگەیەنرێت.
رۆژنامەی "الشرق الأوسط" لە راپۆرتێکدا باس لە
هەوڵەکانی مەحمود مەشهەدانی، سەرۆکی پەرلەمانی عێراق دەکات بۆ رێککەوتنی هەرێمی
کوردستان و حکومەتی فیدراڵی لەسەر هەناردەکردنەوەی نەوت و رادەستکردنی داهاتی
ناوخۆ و ناردنی موچە لەلایەن بەغداوە.
رۆژنامەکە بە پشت بەستن بە سەرچاوەکانی لە هەولێر و
بەغدا ئاماژەی بەوەکردووە، مەشهەدانی ڕۆڵی ناوبژیوانی هەبووە لە نێوان حکومەتی فیدراڵی
لە بەغدا و حکومەتی هەرێم، بۆ چارەسەرکردنی قەیرانی مووچە و نەوت و سەرچاوەکان کە
کۆسپ لە نێوان هەردوولادا دروستکردبوو.
لە ئەنجامدا وەزارەتی
دارایی فیدراڵی لە ماوەی دوو مانگی ڕابردوودا دابەشکردنی مووچەی فەرمانبەرانی هەرێمەکەی
ڕاگرت."
بەگوێرەی سەرچاوەکان، محەمەد شیاع سودانی سەرۆک وەزیرانی
عێراق هانی مەشهەدانی داوە بۆ ناوبژیوانی بە ئەگەری چارەسەری بەردەوام بۆ کێشەکانی
نێوان هەردوولا، بە لەبەرچاوگرتنی ئەوەی کە دۆخەکە وەک خۆی ماوەتەوە ،هەروەها یاسای
نەوت و گاز کە پەرلەمانی عێراق نەیتوانیوە لە ماوەی پێنج دانیشتنی ڕابردوودا یاساکە
دەربکات.
بەگوێرەی زانیارییەکان وەفدی کوردی وەڵامی ئەرێنی حکومەتی
هەرێم دەداتەوە و بەو پێیەش چاوەڕوان دەکرێت حکومەتی عێراق لە کۆبوونەوەی هەفتانەی
ڕۆژی سێشەممەدا گەیشتن بە ڕێککەوتنێکی کۆتایی ڕابگەیەنێت کە مووچەی فەرمانبەرانی هەرێم
ڕاگیراوە کە ماوەی زیاتر لە دوو مانگە ڕاگیراون.
بابەتی لێکچو
More News
 copy.jpg)
Most Popular
-
رۆژنامەی شەرقولئەوسەت زانیاری گرنگ لەبارەی رێککەوتی کۆتایی هەرێم و بەغدا ئاشکرا دەکات
هەواڵ2025-07-07
1
-
درۆنەکانی ئیسرائیل ئەحمەد حاجی رەشید راپێچی بەردەم دادگای هەولێر دەکەن
هەواڵ2025-07-03
2
-
سێشەممەی مووچە؛ حکومەتی عێراق بڕیار لەبارەی مووچەی هەرێمەوە دەدات؟
هەواڵ2025-07-05
3
-
ئیتر کورد و دیاردەی فایەق زێدان
هەواڵ2025-07-03
4
-
موسڵمانێک دەبێتە سەرۆکی شارەوانی نیویۆرک
هەواڵ2025-07-03
5
-
درۆنێکی بۆمبڕێژکراو لە گەرمیان کەوتەخوارەوە
هەواڵ2025-07-03
6
-
.jpg)
Mic Exclusive:دەم پارتی بۆ بەشداریکردن لە رێورەسمی چەکدانانی قەندیل دێتە هەرێمی کوردستان
هەواڵ2025-07-05
7
-
ناڕەزایەتی تورکمانەکان لیژنە بۆ گۆڕانکاری بە پارێزگاری کەرکووک پێکدەهێنێت
هەواڵ2025-07-03
8
هەواڵ
70 رۆژ بێ مووچەیی.. مووچەخۆرانی هەرێم ئاسۆیەک نابینن بۆ وەرگرتنی مووچە
2025-07-08
دوای نزیکەی 70رۆژ لە وەرنەگرتنی
مووچە، مووچەخۆرانی هەرێم ئاسۆیەکی روون نابینن بۆ وەرگرتنی مووچە و تادێت دۆخی خەڵک و بازاڕ خراپتر دەبێت و تائێستاش بەغدا و هەرێم رێکنەکەوتوون لەسەر پرسی
نەوت و دهاتی نانەوتی.
حکومەتی هەرێم رایگەیاندووە، کە بەو داهاتەی ناوخۆ و نەوت
کە دەستی دەکەوێت ناتوانێت مووچە دابەش بکات، بەغدایش سورە لە نەناردنی مووچە و
داوای نەوتی هەرێم و نیوەی داهاتی ناوخۆ دەکات لە بەرامبەر ناردنی مووچەدا.
ئەمڕۆ، رۆژنامەی سەباحی عێراقی بڵاویکردەوە، پێشبینی دەکرێت پێش دەستکردن بە کۆبوونەوەی ئەنجومەنی
وەزیران رێککەوتنی نێوان هەرێم و بەغداد واژوو بکرێت.
رۆژنامەکە ئاماژەی بەوەکردووە، ماوەی چەند رۆژێکە هەوڵەکان
بۆ گەیشتن بە رێککەوتنی نێوان هەرێم و بەغدا و چارەسەری پرسی مووچە چڕکراونەتەوە.
سەباح سوبحی، ئەندامی پەرلەمانی عێراق بە رۆژنامەی
سەباحی راگەیاندووە، رێککەوتنێکی مەبدەئی لەنێوان هەرێم و بەغداد کراوە، بە رادەستکردنی
300 هەزار بەرمیلی رۆژانە لە رێگای کۆمپانیای سۆمۆوە، لەگەڵ هێشتنەوەی 46 هەزار بەرمیل
بۆ بەکارهێنانی ناوخۆیی و پاڵاوتنی.
باسی لەوەشکردووە، چاوەڕێدەکرێت لە چەند کاتژمێری
داهاتوودا و پێش دەستپێکردنی کۆبوونەوەی ئەنجومەنی وەزیرانی عێراق رێککەوتنەکە
واژوو بکرێت و لە کۆبوونەوەی ئەنجومەنی وەزیران بخرێتەروو.
بەوتەی عەلی
حەمە ساڵەح، ئەندامی پەرلەمانی کورستان، ئەمریکییەکان هەوڵەکانیان چرکردووەتەوە بۆ
رێککەوتنی هەرێم و بەغدا و ترسیان هەیە، ئەگەر پرسی مووچە لە هەرێم چارەسەر نەکرێت
دۆخی هەرێم تێکدەچێت.
