هەواڵ

حکومەتی فیدراڵ رای ئەنجوومەنی دەوڵەت تاوتوێ دەکات

ئەمڕۆ پرسی مووچەی شەش مانگی کۆتایی ئەمساڵ بەلایەکدا دەکەوێت و کاتی هەناردەکردنەوەی نەوتی هەرێم دیاری دەکرێت، ئەگەر ئەنجوومەنی وەزیران رای ئەنجوومەنی دەوڵەت لەبارەی داهاتی ناوخۆی هەرێم پەسەند بکات، هەردوو بەربەستە گەورەکەی بەردەم ناردنی مووچە لا دەچن.

ئەنجوومەنی وەزیرانی عێراق وەڵامی ئەنجوومەنی دەوڵەتی لەبارەی داهاتی نانەوتی هەرێمی کوردستان وەرگرتەوە و لە کۆبوونەوەی ئەمڕۆی تاوتوێی دەکات.

ئەنجوومەنی وەزیران داوای لە ئەنجوومەنی دەوڵەتکرد بوو، دیاری بکات کە لە داهاتە ناوخۆییەکانی هەرێم لە باج، رسومات و داهاتی دەروازە سنورییەکان چەندی بەرکەوەتەی هەولێرە و چەندی بەرکەوتەی بەغدایە.

رۆژی دوو شەممە ئەنجوومەنی دەوڵەت بۆچوونی خۆی بۆ حکومەتی عێراق ناردەوە، بە شەش خاڵ وەڵامی حکومەتی فیدراڵ دایەوە.

ئەمڕۆ ئەنجوومەنی وەزیرانی عێراق بڕیار لە مووچەی شەش مانگی کۆتایی ئەمساڵی فەرمانبەران و مووچەخۆرانی هەرێمی کوردستان دەدات.

دوێنێش، رێککەوتنی هەناردەکردنەوەی نەوتی هەرێمی کوردستان لەلایەن هەولێر و بەغدا و کۆمپانیا نەوتییەکان واژۆکرا و، رێککەوتن کرا.

ئەو نەوتەی کە لە هەرێمی کوردستانەوە هەناردەی تورکیا دەکرێت و کۆمپانیای سۆمۆش لە بەندەری جەیهان نەوتەکە وەردەگرێت و دەیفرۆشێت.

پێشتریش نەرمین مەعروف، ئەندامی لیژنەی دارایی پەرلەمانی عێراق رایگەیاند، بۆچوونەکانی ئەنجوومەنی دەوڵەت لەبارەی داهاتی ناوخۆی هەرێمی کوردستان ئەرێنین.

داهاتی ناوخۆی هەرێم و هەناردەکردنەوەی نەوت، دوو بەربەستی گەورەی بەردەم ناردنی مووچەبوون لەلایەن حکومەتی فیدراڵ و لە ئێستادا خەریکە بە تەواوی ئەو دوو بەربەستە لادەچن.

لەلێدوانێکدا فوئاد حسێن، جێگری سەرۆک وەزیرانی عێراق بۆ کاروباری دارایی لەبارەی رێککەوتنی هەولێر و بەغداد رایگەیاند، رێککەوتنی ئەمجارە زۆر جیاوازە و پێشتر رێککەوتنی وا نەبووە، کێشە ئەساسییەکانی ناردنی مووچە چارەسەر بوون.

مووچەی شەش مانگی کۆتایی ئەمساڵ بە تەواوی بەم رێککەوتنەی دوێنێ و ئەمڕۆ گرێدراوە، ئەگەر هەموو شتێک بەباشی بڕوات، گرفتی مووچە چارەسەر بووە و مووچەی ئەم شەش مانگە بێ کێشە لە بەغداوە دێت.

بەبڕوای بەشێک لە چاودێران ئەگەر رێککەوتنەکە سەرکەوتوو بێت، رەنگە بکرێتە بنەما بۆ مووچەی 12 مانگی ساڵی 2026-یش.

هەواڵ

موقتەتا سەدر هاتە دەنگ

موقتەدا سەدر، ڕێبەری ڕەوتی سەرد، لەراگەیەندراوێكدا ڕایگەیاند،"ئەمە یەکەم ھەڵبژاردنە لەعێراق بەبێ بەشداری ڕەوتی شیعی نیشتیمانی(ڕەوتی سەدر) ئەمەش دڵەڕاوکێی زۆری لای ھاوڵاتیان دروستکردوە کە بەشداری ھەڵبژاردن دەکەن". دەشڵێت،" لەگەڵ دڵەڕاوکێی خەڵک چەندین سیناریۆ دروستکراوە کەگوایە ڕەوتی سەدر بەبەکارھێنای ھێز رێگە نادەن بگەنە سندوقەکانی ھەڵبژاردن، یاخود وتراوە، ڕەوتی سەدر فیتنە دروست دەکات بۆ ئەوەی کەشێکی ئارام بۆ ھەڵبژاردن نەخوڵقێت و بەلایەنگرییە ملیۆنیەکەی دێتە سەر شەقام و خۆپیشاندان دەکات، جەختیش دەكاتەوە،" ھەرچەندە ئێمەلەگۆڕەپانی سیاسی نەماون بەڵام ھەموو تیرەکانیان بۆ سەر ئێمەیە". سەدر لەڕاگەیەندراوەكەیدا بەبێ ناوهێنان پەیامێكی ئاگرین ئاڕاستە دەكات و دەڵێت،" ئەگەر گردبونەوەو ناڕەزایەتی و بەگژداچونەوەتان دەوێت ئێمە خۆمان خاوەنی ئەوەین و فەرموو خۆتان تاقی بکەنەوە و ئێمە لەھەڕەشەکانتان ناترسین".
دەشلێت،" ئەوەی لەگەڕانەوەی بەعس دەترسێت و خەڵکی پێدەترسێنێت ئەوە حزبێکی بێ کەڵکە".
ھەروەھا لەبارەی خزمەتگوزاری و پەرەوردەو وشکە ساڵی و تەندروستی و دۆسیەی ئەمنی پێی وایە، لەخراپترین ئاستتدان و نوسیویەتی،" ھۆزەکان لەلایەک و میلیشیاکان لەلایەک بونەتە بەڵاو خوێنی عێراقی دەرێژرێت".
لەكۆتایی ڕاگەیەندراوەكەشیدا دوپاتیدەكاتەوە،" ئێوە باسی ئەوە دەکەن کە عێراق و گەلەکەی لەگەڵتانە، کەچی گەلی عێراق بەھۆی بێ کاری و ھەژاری و نەخۆشی و گەندەڵییەوە دەناڵێنێت و رڕوی لەزیادبونیشە، كەئەو مەترسیە مەترسی ئاینی عەقیدەشە نەک تەنھا نیشتیمانی ئێوە کەی شیعە