هەواڵ
هەفتەی داهاتوو بەغدا مووچەی مانگی حەوت دەنێرێت
2025-09-25
بڕیارە ئەمڕۆ 120 ملیار دینار داهاتی نانەوتی هەرێمی کوردستان دەخرێتە سەر هەژماری وەزارەتی دارایی عێراق.
بەپێی زانیارییەکانی دیجیتاڵ میدیای MIC هەموو رێکارەکانی داهاتی نانەوتی تەواو بوون؛ ئەمڕۆ 120 ملیار دینار وەک داهاتی نانەوتی بۆ بەغدا دەنێردرێت.
بەو پێیەش بێت؛ هەفتەی داهاتوو دەست بە رێکارەکانی تەمویلکردنی مووچەی مانگی تەممووز دەکرێت، راستەوخۆ دوای گەیشتنی پارەکەش دەست بە دابەشکردنی مووچە دەکرێت.
لە کۆبوونەوەی رۆژی چوارشممە، ئەنجوومەنی وەزیرانی هەرێمی کوردستان وەزیری دارایی راسپارد، بە زووترین کات 120 ملیار دیناری دیکە، وەکو بەشی گەنجینەی فیدراڵی بۆ مانگی تەمموزی 2025 بخاتە سەر هەژماری وەزارەتی دارایی فیدراڵی.
هەر لە کۆبوونەوەکەدا حکومەتی هەرێمی کوردستان جەختی لەوەکردەوە؛ بەهیوان پەلە بکرێت لە یەکلاییکردنەوەی دۆسیەی داهاتی نانەوتی بە رێککەوتنێکی هاوبەشی نێوان هەردوو حکومەتی هەرێمی کوردستان و فیدراڵی.
حکومەتی هەرێمی کوردستان ئامادەیی خۆی دووپاتکردەوە بۆ بەردەوامبوون لە جێبەجێکردنی پابەندییەکانی لەپێناو دابینکردنی مووچە و شایستە داراییەکانی فەرمانبەران مووچەخۆرانی هەرێمی کوردستان.
ئەوە لە کاتێکدایە، رۆژی سێشەممە ئەنجوومەنی وەزیرانی عێراق کۆبووەوە و بڕیاری دا مووچەی مانگی حەوتی مووچەخۆرانی هەرێمی کوردستان خەرج بکات.
هەردوێنێ پێشەوا هەورامانی وتەبێژی حکومەتی هەرێمی کوردستان رایگەیاند، ئەو رێککەوتنەی کەلەگەڵ بەغدا لەسەر دۆسییەی نەوت کردوویانە بۆ سێ مانگە، بەوپێیەش بێت سێ مووچە لە کۆی شەش مووچەی ئەمساڵ بێ کێشە دەدرێت.
ئەوەی لێرەدا نادیارە سێ مووچەی کۆتایی ئەمساڵە، ئایا رێککەوتنی نوێ بۆ ناردنی دەکرێت یاخود، تەنها مووچەی سێ مانگی دیکەی ئەمساڵ دەدرێت و سێ مووچەکەی دیکە وەک ساڵانی تر دەفەوتێت.
بابەتی لێکچو
-
سەنتەری میترۆ: رێکخەرەکەمان کەوتووەتە بەر هێرشی سوپایەکی ئەلیکترۆنی
هەواڵ2025-10-02
-
ئیلۆن مەسک یەکەم کەسە لە مێژوودا سامانەکەی گەیشتە 500 ملیار دۆلار
هەواڵ2025-10-02
-
ئەمریکا فشارەکانی چڕکردووەتەوە.. یەکێتی دەیەوێت ئەم سێ پۆستە یەکلایی بکاتەوە
هەواڵ2025-09-30
-
چاوەڕوان دەکرێت ئەمڕۆ بەغدا مووچەی مانگی حەوت خەرجبکات
هەواڵ2025-09-30
More News
 copy.jpg)
Most Popular
تەندروستی
بەکارهێنانی مەیکەپی دژە ئاو مەترسیدارە؟
2025-10-04
توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.
ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.
