Tech

ئاگاداربن واتسئاپ ئەم کارە دەکات

چاتی لایەنی سێیەم رێگە بە بەکارهێنەر دەدات، نامەکان و گفتوگۆکانی واتسئاپ تێکەڵ بکات یان بیبەستێتەوە بە بەرنامەکانی وەک مەسنجەر و تێلەگرام و ویچاتەوە.

واتە بەکارهێنەرانی واتسئاپ دەتوانن نامەکانی مەنسجەریش تێکەڵ بە واتسئاپ بکەن و لەوێوە وەڵامی نامەی مەسنجەریان بدەنەوە، بۆ بەرنامەکانی دیکەی چاتکردنیش بەهەمان شێوەیە.

واتسئاپ رایگەیاندووە سەرەتا و بۆماوەیەک ئەم تایبەتمەندییە بۆ وڵاتانی یەکێتی ئەوروپا دەبێت.

بەپێی راپۆرتی توێژەرانی بواری پاراستنی داتاکان، بەزیادکردنی ئەم تایبەتمەندییە، لاوازییەک دەکەوێتە واتسئاپەوەو ئەگەری زۆرە نامە بێزارکەرەکان و ساختەش تێکەڵی نامە راستەقینەکان بێت.

هەواڵ

چی روویدا؟ ئەمریکا هێرشی کردە سەر ئێران

ئەمریکا بۆ پشتیوانیکردنی ئیسرائیل هێرشی کردە سەر بنکە ئەتۆمییەکانی ئێران، ئێستا هەڵوێستی تاران یەکلایی کەرەوەیە و هەنگاوەکانی بڕیار لەسەر هاوکێشەکانی داهاتووی شەڕەکە دەدەن.

دۆناڵد ترامپ سەرۆکی ئەمریکا لە کۆتایدا بڕیارە قورسەکەیدا و واشنتن بەشداری شەڕی ئێران و ئیسرائیلی کرد و فڕۆکەی B-2ـی ئەمریکی بنکە ئەتۆمییەکانی ئێرانی بۆردومان کرد.

ئەمریکا هێرشەکەی بە فڕۆکەی جەنگی و موشەکە بەهێزەکانی ئەنجامدا، هەریەک لە بنکە ئەتۆمییەکانی فۆردۆ، نەتەنز و ئیسفەهانی بە ئامانج گرت.

هێرشەکە کاردانەوەی توندی ئێرانی لێکەوتەوە، تاران هەڕەشەی وەڵامدانەوەی توندی هێرشەکان دەکات، ئەوەیش لە رێگەی بە ئامانجگرتنی بەرژوەندییەکانی ئەمریکا لە رۆژهەڵاتی ناوەڕاستدا.

هێرشی ئەمریکا بۆ سەر بنکە ئەتۆمییەکانی ئێران، مەترسی تیشکدانەوەی ئەتۆمی دروستکردووە، بەڵام دەزگای سەلامەتی ئەتۆمیی ئێران رایگەیاندووە، نیگەران مەبن و لە دەوروبەری بنکەکان ئاسایی بژین.

ئاژانسی نێودەوڵەتیی وزەی ئەتۆمیش رایگەیاندووە، هیچ ئاماژەیەک نییە لە دوای هێرشە ئاسمانییەکانی ئەمڕۆی ئەمریکا بۆ سەر بنکە ئەتۆمییەکانی ئێران، ئاستی تیشکدانەوەی ئەتۆمی زیادبووبێت.

بەپێی پێگەی ئەمواجی بەریتانی، واشنتن پێشوەختە ئێرانی لە هێرشکردنە سەر بنکە ئەتۆمییەکان ئاگادارکردووەتەوە، وەک بەرپرسێکی ئێرانیش بە ئاژانسی رۆیتەرزی بەریتانی راگەیاندووە، پێش هێرشەکە یۆرانیۆمی پیتێنراومان لە فۆردۆ گواستووەتەوە.

هێرشەکانی ئەمریکا زوو کاردانەوەیان بە دوای خۆیاندا هێنا، حکومەتی عێراق سەرکۆنەی کرد و رایگەیاند، ئەو پەرەسەندنە سەربازییە "هەڕەشەیەکی مەترسیدارە بۆ سەر ئاسایش و ئاشتی لە رۆژهەڵاتی ناوەڕاست".

ئەمریکا ترسی هەیە
ئەمریکا لە دوای هێرشەکانی بۆ سەر ئێران، ترسی وەڵامدانەوەی هێرشەکانی لەلایەن تارانەوە هەیە، چونکە ئەو وڵاتە هەڕەشەی توندترین وەڵام دەکات.

ئەمریکا وەک بەشێک لە ئامادەکارییەکان بۆ وەڵامدانەوەی هێرشەکانی، لە یەکەم کاردانەوەدا ژمارەی کارمەندانی باڵیۆزخانەکەی لە بەغدا کەمتر کردەوە.

ئێستا ئێران لە دووڕیانێکدایە و دەتوانێت جەنگەکە گەورەتر بکات یان بە شێوەیەکی تەواوەتی کۆتایی پێبهێنێت، وەڵامدانەوەی هێرشەکان جەنگەکە گەورەتر دەکەن، یان بێدەنگ دەبن و کۆتایی پێدەهێنن.

چەند کاتژمێری داهاتوو بۆ جەنگی ئێران لەگەڵ ئیسرائیل و ئەمریکا یەکلایی کرەوە دەبێت، هەڵوێستی تاران بڕیار لەسەر هاوکێشەکانی داهاتووی شەڕەکە دەدات.

رۆژی 13ـی حوزەیران، ئیسرائیل لەناکاودا هێرشی ئاسمانی بۆ سەر ئێران دەستپێکرد، ئێرانیش وەڵامی هێرشەکانی دایەوە و 10 رۆژە شەڕی راستەوخۆی دوو وڵاتەکە دژ بە یەکتر بەردەوامە، بەڵام ئەمریکا هاوکار و پشتیوانێکی راستەوخۆی ئیسرائیل بووە و ئەمڕۆ بووە بەشێک لە جەنگەکە.