هەواڵ
دەمیرتاش: كورد ئەو زللەیە لەبیرناكات كە لەفەرهاد ئەنجۆ درا
2022-12-19
دوای ئەوەی دوێنێ پۆلیسی توركیا هێرشی کردە سەر ڕیپێوانی ئاشتی و دادوەری لەئیستەنبوڵ و ئەفسەرێکی پۆلیس زللـەی لە فەرهاد ئەنجۆ، هاوسەرۆکی هەدەپەی ئیستەنبوڵدا، هاوسەرۆكی پێشووی هەدەپە دەڵێت "ئەو زللەیە لەبیر ناكەین".
دوای ئەوەی دوێنێ، بنەماڵەی زیندانییەکان لە ئیستەنبوڵ بە ئامانجی ئازادکردنی زیندانییە نەخۆشەکان ڕیپێوانێکیان بە ناوی ئاستی و دادپەروەری ڕێکخست و هەوڵیادا بە شەقامی کادیکۆیدا بڕۆن، لەو کاتەدا چالاکوانان نزیکی ئەو ناوچەیە بوونەوە لەلایەن پۆلیسەوە ڕیگریان لێکرا و ئەفسەرێکی پۆلیس هێرشی کردە سەر فەرهاد ئەنجۆ، هاوسەرۆکی پارتی دیموکراتی گەلان (هەدەپە) و بەشداربوانی چالاکیەکەش ناڕەزایەتی توندیان دەربڕی.
لەوبارەیەوە سه‌ڵاحه‌دین ده‌میرتاش له تویتێكدا له هه‌ژماری تایبه‌تی خۆی له تۆڕی كۆمه‌ڵایه‌تی تویته‌ر نوسیویه‌تی: ماوەیەکی زۆرە ئەم ده‌سه‌ڵاته تاوه‌كو بینه‌قایای به پیسی و تاوان داپۆشراوە، سنوری خۆی تێپەڕاندوە، ئەم هێرشە بۆ سەر دایکانمان و لێدانی زللە له فەرهاد ئەنجو بە دڵنیاییەوە کورد لە بیری ناكات.
هاوسه‌رۆكی پێشوتری هه‌ده‌په له په‌یامه‌كه‌یدا هه‌روه‌ها نوسیویه‌تی: تا ئێستا زللەتان نه‌بینیوه، چاوەڕێی سندوقه‌كانی ده‌نگدان بن، ئێمە پیشانتانی دەدەین.
ڤیدیۆی ساتی لێدانی زللە له فەرهاد ئەنجۆ له‌لایه‌ن محەمەد زەکی کایا، کامێرامانی کەناڵێکی تەلەڤزیۆنییەوە بڵاوکرایەوە و راستەوخۆ دوای رووداوەکەش دەستگیرکرا.
لە ڤیدیۆکەدا دەردەکەوێت، كارمه‌ندێكی پۆلیس له فەرهاد ئەنجو نزیکدەبێتەوە و ئەنجۆش بە دەنگێکی بەرز پێی دەڵێت"جنێو مەدە"، به‌ڵام پۆلیسەکە زللەیەکی لێدەدات، فەرهات ئەنجۆ بە پۆلیسەکە دەڵێت "بێناموس، تۆ کێی زللە لە من دەدەیت؟.
بابەتی لێکچو
More News
 copy.jpg)
Most Popular
-
مێژووی پەیوەندیی و ململانێی ئێران و ئیسرائیل
بنکۆڵکاری2025-06-14
1
-
دوای 46 ساڵ؛ ئیسرائیل و ئەمریکا دەیانەوێت خێزانی شا بکەنەوە دەسەڵاتدار
هەواڵ2025-06-17
2
-
سوپای پاسداران کوژرانی حەوت فەرماندەی دیکەی سەربازی ڕاگەیاند
هەواڵ2025-06-15
3
-
بێدەسەڵاتی عێراق بەسەر ئاسمانەکەیدا ئاگری جەنگی ئێران و ئیسرائیلی خۆشترکردووە
هەواڵ2025-06-15
4
-
گەروی هورمز داخرێت؛ بۆریەکەی هەرێم دەتوانێت یەک لە سەر چواری نەوتی عێراق هەناردە بکات
هەواڵ2025-06-15
5
-
گەرووى هورمز دابخرێت هەناردەی نەوتی هەرێم دەستپێدەکاتەوە
هەواڵ2025-06-15
6
-
عێراق سیستمی بەرگریی ئاسمانی بۆ پاراستنی کێڵگە نەوتییەکانی دادەنێت
هەواڵ2025-06-16
7
-
کورد، سوننە و بەشێک لە شیعەکان خۆیان لە شەڕ دورەپەرێز دەکەن
هەواڵ2025-06-16
8
هەواڵ
دوای 46 ساڵ؛ ئیسرائیل و ئەمریکا دەیانەوێت خێزانی شا بکەنەوە دەسەڵاتدار
2025-06-17
لە تارانی پایتەختی ئێران ماڵەکەی رەزاشا، وەک خۆی ماوە و 46 ساڵ پێش
ئێستا چۆن جێیهێشت هەروا ماوەتەوە، دەمێکە شا کۆچی دواییکردووە، بەڵام ئێستا
کوڕەکەی کە لە ئەمریکایە، لەسەر هێرشەکانی ئیسرائیل قسەی خۆی هەیە و لەگەڵ
رووخاندنی دەسەڵاتی ئێستای ئێراندایە، وەک ئەوەشی دەبینرێت رۆژئاوا خواستێتی
دەسەڵاتی شا بگەڕێتەوە.
محەمەد رەزا پەهلەوی، دواهەمین پاشای ئێران بوو کە لە شازدەی ئەیلولی
ساڵی 1941ـەوە تا کاتی لەناوچوونی دەسەڵاتەکەی بە شۆڕشی گەلانی ئێران، لە 11ـی
شوباتی ساڵی 1979ـدا بەسەر ئێراندا حوکمڕانی کرد.
ئێستا 46 ساڵ بەسەر روخاندنی سیستەمی پاشایەتی لە ئێران تێدەپەڕێت،
بەڵام ماڵەکەی شا لە تاران بووە بە مۆزەخانە و ئەو رۆژەی شا و خێزانەکەی چۆن
جێیانهێشت هەروا ماوەتەوە، دوای زیاتر لە چوار دەیە رەزای کوڕی شا چاوی لەوەیە
کلیلی خانوەکەی رادەستبکرێتەوە و دەسەڵاتی بنەماڵەی شای قاجار بگەڕێنێتەوە بۆ
ئێران
بەرەبەیانی 13ـى حوزەیران لە هێرشێکی لە ناکاودا، ئیسرائیل زنجیرەیەک
هێرشی فراوانی کرد سەر ئێران، لە هێرشەکاندا موشەک و فڕۆکەی بێفڕۆکەوان بەکارهێنرا،
جگە لە کوژارانی سوپاسالاری ئێران و فەرماندەی سوپای پاسدارانن و چەندین بەرپرسی
سەربازی و ئەمنی نۆ زانای بواری ئەتۆم کوژران.
دوای هێرشەکانی ئیسرائیل، ئێرانیش هێرشەکانی بۆسەر ئیسرائیل
دەستپێکرد و لەو ڕۆژەوە هێرشی ئەو دوو وڵاتە بۆسەر یەکتری بەردەوامە و کاردانەوەی
زۆر بەدوای خۆیدا هێناوە، بەڵام بەشێک لە بۆچونەکان بەدووی نازانن کە ئەمریکا
پشتیوانی بنەماڵەی رەزاشا بکات و بیکات بە بەدیلی دەسەڵاتی ئێستای ئێران
رەزا کە تاقانە کوڕەکەی محەمەد رەزاشای پەهلەوییە کە ساڵانێکە لەگەڵ
خێزانەکەیدا لە ئەمریکا دەژی، لەسەر هێرشەکانی ئیسرائیل بۆسەر ئێران وتی، ئەمە
جەنگی ئێران و گەلی ئێران نییە، جەنگی كۆماری ئیسلامی و خامنەییە.
رەزا داوای لە هێزە سەربازیی و ئەمنییەكان کرد، رێگای خۆیان لە ئەوان
جیابكەنەوە بچنە پاڵ خەڵك و هێرشەی توندی کردە سەر عەلی خامنەیی رابەری كۆماری ئیسلامی
ئێران و وتی،" ئێمەی دەرگیری جەنگ كردووە و چارەسەر لەناوچوونی كۆماری
ئیسلامیی لەرێگەی ناڕەزایەتیی شەقام و مانگرتنی سەرتاسەرییەوە دەبێت".
هەرچەندە تا ئێستا کەس بەدەم بانگەوازەکەی کوڕی شای پێشوی ئێرانەوە
نەڕۆشتووە، بەڵام تادێت هێرشەکانی ئیسرائیل بۆ سەر ئێران چڕتر دەبنەوە و ئەمریکایش
سێیەم کەشتی جەنگی رەوانەی رۆژەهەڵاتی ناوەڕاست کردووە و بەشداریکردنی لە
هێرشکردنە سەر ئێران یەکێکە لە ئەگەرە کراوەکان.
سەردار عەزیز، مامۆستای زانکۆ لەبارەی هێرشەکانی ئیسرائیلەوە بۆ لە
نوسینێکدا باسی لەوەکردووە، هەتا بێت ئامانجی ئیسرائیل بۆ گۆڕینی ڕژێم زیاتر زەق
دەبێتەوە.
ئاماژەی بەوەکردووە، شەڕەکە لە لایەن ئیسرائیلەوە ناونراوە شێری
ڕاپەڕیو، ئەم شێر و ڕاپەڕینە ڕەهەندێکی ئێرانیشی هەیە، ئەوەی لە ئاڵای ئێرانی پێش
کۆماردا هەیە بە شێر و خورشید یان خۆر ناسراوە، شێر ئاماژەیە بۆ شا و خورشید یان
خۆر ئاماژەیە بۆ خودای روناکی لە ئاینی میترای پێش زەردەشتیدا.
رونیکردوەتەوە، بەستنەوەی شەڕی ئێران بە شێرەوە گەڕانەوەیەتی بۆ
سەردەمی پێش کۆماری ئیسلامی، دیارە هەرچەند کوڕی شا چانسی کەمە، بەڵام بژاردەی
خوازراوە لەلایەن هێزەکانی ڕۆژئاواوە.
ئێستا گەلانی ئێران و ناوچەکە نازانن ئەنجامی شەڕی ئیسرائیل و ئێران
چی دەبێت و ناوچەکە چی بارودۆخێکی نوێ چاوەڕێی دەکات، بەڵام دۆخەکە بە هەر
ئاقاردێکدا بڕوات، ئەوا ناوچەکە دەچێتە سەردەم و قۆناغێکی نوێوە.
