هەواڵ
دەستلەکارکێشانەوەی سەرۆک و ئەندامانی دادگای فیدراڵی عێراق دەخاتە بۆشایی دەستورییەوە
2025-06-28
دوای ئەوەی نۆ
ئەندامی دادگای باڵای فیدراڵی دەستیان لەکارکێشایەوە و سەرۆکی دادگاکەیش داوای خانەنشینبوونی
کرد، ئەندامێکی لیژنەی یاسایی پەرلەمانی عێراق دەڵێت: ئەو قەیرانەی توشی دادگای
فیدرڵی بووە، عێراق دەخاتە بۆشایی دەستورییەوە و سەرۆک سەنتەری رەشید پێیوایە، رەنگە
بیانویەک بێت بۆ ئەوەی هەڵبژاردن دوابخرێت.
کێشەکانی دادگای
فیدراڵی عێراقی (بەرزترین دادگای وڵات، پسپۆڕی ناکۆکییە دەستوورییەکان) تەنها بە
دەستلەکارکێشانەوەی نۆ ئەندام و داوای خانەنشینبوونی سەرۆکەکەی کۆتایی نایەت، ئەگەر
ئەو قەیرانەی دادگاکە تێیکەوتووە چارەسەر نەکرێت، ئەوا عێراق دەکەوێتە بۆشایی
دەستورییەوە و ئەنجامی هەڵبژاردنی پەرلەمانی عێراق بە پەسەندنەکراوی دەمێنێتەوە
محەمەد عنوز، ئەندامی لیژنەی یاسایی لە پەرلەمان عێراق بە رۆژنامەی "العربي الجديد"ـى راگەیاند، ئەوەی لە دادگای فیدراڵی ڕوودەدات
ئاماژەیەکی جدییە بۆ سروشتی سیستەمی سیاسی عێراق کە لە ئێستادا بەدەست قەیرانێکی ڕاستەقینەوە
دەناڵێنێت، ئەم پێشهاتە مەترسیدارانە لە دادگای باڵای فیدراڵی بە پەرەسەندنێکی جددی
دادەنرێن، بەتایبەتی لەگەڵ هەڵبژاردنەکانی داهاتوو (11 ی تشرینی دووەم)، چونکە
دادگای فیدراڵی بەرپرسە لە پەسەندکردنی ئەنجامەکان.
ئەو ئەندامەی
لیژژنەی یاسایی پێیوایە، ناسەقامگیری دادگای فیدراڵی لەوانەیە هەڕەشە لە بەروار و
شەرعییەتی هەڵبژاردنەکانی داهاتوو بکات، بەگوێرەی یاسای دادگای فیدراڵی ژمارە 30 ی
ساڵی 2005 شێوازی دەست لەکارکێشانەوەی دادوەران و سەرۆکیان ڕێک نەخستووە و تەنیا پێکهاتەی
دادگا و میکانیزمی خانەنشینی دیاری کردووە لە کاتی گەیشتن بە تەمەنی یاسایی 72 ساڵی.
عنوز دەشڵێت: نەبوونی
دادگای فیدراڵی لە جێبەجێکردنی ڕۆڵی خۆی، کاریگەری گەورەی دەبێت لەسەر پەسەند نەکردنی
ئەنجامەکانی هەڵبژاردن و پێداچوونەوەی یاساکان کە لەوانەیە بە پێشێلکردنی دەستوور
دەربکرێن، بەم شێوەیە وڵات دەخاتە بۆشاییەکی دەستووری ئاڵۆزەوە.
محی ئەنساری،
سەرۆکی سەنتەری رەشید بۆ گەشەپێدان رۆژنامەی "العربي الجديد"ـى وتووە، دروستکردنی ئەم قەیرانە لەناو دادگای
فیدراڵی وەک بیانویەک بۆ دواخستی هەڵبژانی
مانگی 11ـى ئەمساڵی پەرلەمان بەکاربهێنرێت، ئەویش له ژێر رێگەی دابینکردنی ژینگەیەکی
یاسایی سەقامگیر بێت.
دەشڵێت: ئەگەر
دانوستانەکان بۆ دانانی جێگرەوەی دادوەرەکان شکست بهێنن یان ناکۆکی سیاسی لەسەر میکانیزمی
دامەزراندنی دادوەران دروست ببێت، ئەوا بێگومان پرۆسەی هەڵبژاردن پەکی دەکەوێت.
More News
 copy.jpg)
Most Popular
-
بۆ یەکەمجار شەڕ و جەنگ گرانی لە هەرێمی کوردستان دروست نەکرد
هەواڵ2025-06-24
1
-
هەرێمی کوردستان لیستی مووچەی مانگی شەش رادەستی بەغدا دەکات
هەواڵ2025-06-25
2
-
"ئەمڕۆ 16 رۆژنامەوان دەستگیرکراون"
هەواڵ2025-06-26
3
-
دەستلەکارکێشانەوەی سەرۆک و ئەندامانی دادگای فیدراڵی عێراق دەخاتە بۆشایی دەستورییەوە
هەواڵ2025-06-28
4
-
هەولێر و بەغداد دەستدەکەنەوە بە کۆبوونەوە
هەواڵ2025-06-28
5
-
گەڕان بۆ ئاڤێستا کۆتایی دێت… ئەو کچەی ئاو بردی و سێ مانگە بێسەروشوێنە
هەواڵ2025-06-28
6
-
سەرۆکی دادگای باڵای فیدراڵی خانەنشینکرا
هەواڵ2025-06-29
7
-
چیرۆکی کوژران و سوتانی حەوت سەرباز و ئەفسەری ئیسرائیل
هەواڵ2025-06-25
8
هەواڵ
سەرۆکی دادگای باڵای فیدراڵی خانەنشینکرا
2025-06-29
ئەنجوومەنی باڵای دادوەری ئەمڕۆ یەکشەممە 29ی
حوزەیرانی 2025، خانەنشین بوونی دادوەر جاسم محەمەد عەبود، سەرۆکی ئێستای دادگای
باڵای فیدراڵی عێراقی پشتڕاستکردەوە، بە هۆکاری تەندروستی و راگەیاند. ئەنجومەنەکە
جێگری سەرۆکی دادگای فیدراڵی دادوەر مونزیر ئیبراهیم حوسێنی وەک جێگرەوەی خۆی کاندیدکردووە.
بەشی راگەیاندنی ئەنجوومەنی باڵای دادوەری
عێراق، لە بەیاننامەیەکدا، رایگەیاندووە، رۆژی یەکشەممە 19ی حوزەیرانی 2025، ئەو لیژنەیەی
لە مادەی 3 بڕگەی (یەکەم و دووەم)ی یاسای دادگای باڵای فیدراڵی ژمارە 30ی ساڵی
2005، وەک هەموارکراوە، دیاریکراوە، کۆبوونەوە و رەزامەندی لەسەر خانەنشینکردنی دادوەر
جاسم محەمەد عەبود، سەرۆکی ئێستای دادگای باڵای فیدراڵی عێراقی، بە هۆکاری تەندروستی،
و… کاندیدکردنی جێگری سەرۆکی دادگای فیدراڵی دادوەر مونزیر ئیبراهیم حسێن وەک جێگرەوەی
دەستنیشانکراوە و ناوەکەی نێردراوە بۆ سەرۆککۆماری عێراق بەمەبەستی پەسەندکردنی.
دادوەر مونزیر ئیبراهیم حسێن لە ساڵی 1963 لە بەغداد
لەدایکبووە، بڕوانامەی یاسایی لە کۆلێژی یاسا لە زانکۆی بەغداد لە ساڵی 1989 بەدەستهێناوە
و لە ساڵی 1998 پەیمانگای دادوەری تەواوکردووە، خولی (21). لە ساڵی 2018ەوە لە
دادگای فیدراڵی کاردەکات.
لە ئێستادا وەک جێگری سەرۆکی دادگای فیدراڵی و
سەرۆکی دەستەی تاوانەکانی و ئەندامی یەدەگی دادگای باڵای فیدراڵی کاردەکات.
