هەواڵ

مەسک: پەشیمانم لە هەندێک لە پۆستەکانم دژی ترەمپ

ئەمڕۆ، ئیلۆن مەسک، لە پەیامێکدا لە پلاتفۆرمی سۆشیال میدیای خۆی، ئێکس، ڕایگەیاند، پەشیمانە لە هەندێک لەو پۆستانەی هەفتەی ڕابردوو سەبارەت بە دۆناڵد ترەمپ، سەرۆکی ئەمریکا کردوویەتی.

مەسک لە کۆتایی پۆستەکەیدا نوسیویەتی: "سنورم بەزاندووە".

I regret some of my posts about President @realDonaldTrump last week. They went too far.

— Elon Musk (@elonmusk) June 11, 2025

مەسک، دەوڵەمەندترین پیاوی جیهانە و خاوەنی کۆمپانیاکانی سپەیس ئێکس و تۆڕی کۆمەڵایەتی ئێکس و تێسلایە و تا ئەم دواییانە لە کابینەی حکومەتەکەی دۆناڵد ترەمپی سەرۆکی ئەمریکا، بەڕێوەبەری دەزگای کارایی حکومەتی ئەمریکا بوو، بەڵام بەهۆی تێکچوونی پەیوەندییەکانی لەگەڵ ترەمپ، وازی لە پۆستەکەی هێنا و رۆژانە لە میدیاکاندا شتی سەیر و سەمەرەی لەبارەوە بڵاودەبێتەوە.

ترەمپ و مەسک هەفتەی ڕابردوو دەستیان بە بازرگانیکردن بە سووکایەتیکردن لە سۆشیال میدیادا کرد، بەڕێوەبەری جێبەجێکاری کۆمپانیای تێسلا و سپەیس ئێکس، پڕۆژە یاسای باج و خەرجییەکانی سەرۆکی وڵاتەکەی بە "قێزەون و قێزەون" ناوبرد.

ئەم پۆستەی مەسک چەند ڕۆژێک دوای ئەوە دێت کە ترەمپ ڕایگەیاندبوو پەیوەندییەکەی لەگەڵ مەسک کۆتایی هاتووە.

مەسک لە هەفتەی رابردوودا زنجیرەیەک پۆستی لە ئەژماری خۆی لە تۆڕی کۆمەڵایەتی ئێکس بڵاوکردەوە دژی ترەمپ، لەنێویاندا پۆستێک کە دواتر سڕایەوە و تیشکی خستە سەر پەیوەندییە گوماناوییەکانی ڕابردووی سەرۆک بە جێفری ئیپشتاین-ی کۆچکردوو کە تاوانبارێکی سێکسی سزادراوو بوو.

جێفری لە چەند ساڵی رابردوودا دۆسیەکەی ئاشکرابوو، کە پەیوەندیی لەگەڵ سەرکردەکانی جیهان زۆر باش بووە و دورگەیەکی هەبووە و چەندین کۆشک و شوێنی کاتبەسەربردنی تێدا دروستکردووە، سەرکردە و کەسە باڵادەستەکانی بانگێشتی کۆشکەکانی کردووە و کچی منداڵی هەڵخەڵەتاندووە و بەزۆر لە دورگەکە بەخشیویەتی بە سەرکردەکان و تاوانی سێکسییان ئەنجامداوە بەبێ ئەوەی تاوانەکە ئاشکراببێت.

 

بەپێی راپۆرتێکی واشنتۆن پۆستی ئەمریکا، دۆناڵد ترەمپ، هۆشداریی داوەتە ئیلۆن مەسکی ملیاردێر، ئەگەر بەپاساوی دروستبوونی ناکۆکییەکان یارمەتی دیموکراتە رکابەرەکانی بکات، ئەوە دەرەنجامێکی مەترسیدار چاوەڕێی دەکات.

هێشتا بەتەواویی نازانرێت هۆکاری پاشگەزبوونەوەی ئیلۆن مەسک لە هەڵوێستەکانی پێشووی چییە، بەڵام میدیاکانی جیهان بە هەستیارییەوە مامەڵە لەگەڵ بڵاوکراوە و هەڵوێستەکانی هەردوکیان دەکەن.

زانست

بە پشتیوانیکردنی هێرشەکانی ئیسرائیل حزبەکان داوای "راپەڕین" لە رۆژهەڵاتی کوردستان دەکەن

حزبەکانی رۆژهەڵاتی کوردستان راستەوخۆ و ناڕاستەوخۆ پشتیوانی هێرشەکانی ئیسرائیل دەکەن و دەیانەوێت بە " یەکگرتوو"ـیان لە رۆژهەڵاتی کوردستان "راپەرین" بکەن. 

 

 حزبەکانی رۆژهەڵاتی کوردستان کە لە هەرێمی کوردستان نیشتەجێنن، تەنها وەک تەماشاکار لە روداوەکانی ئێرانن دەڕوانن، بەڵام خواستیانە کاریگەری لەسەر شەقامی رۆژهەڵاتی کوردستان دروست بکەن.

 

حزبەکان، تەنها لە رێگەی راگەیاندراوەوە هەڵوێستی خۆیان لەسەر روداوەکان دەربریووە، کومیتەی ناوەندیی کۆمەڵەی زەحمەتکێشانی کوردستان داوای لە حزبەکان رۆژهەڵاتی کوردستان کردووە،" دوور لە هەر جۆرە کێشە و جیاوازییەک، بە ئەرکی خۆیان هەستنەوەو پلان و بەرنامەی هاوبەش و گونجاویان هەبێ تا بە کۆدەنگی و یەکگرتووانە بزاڤی خەڵکی کوردستان رێبەری بکەن". 

 

کۆمەڵەکە داوای پێکهێنانی "کومیتەی بەرێوەبەریی هاوبەشی" لە نێوان حزبەکان رۆژهەڵاتی کوردستان کردووە، ئەوەیش بە ئامانجی وەڵامدانەوەی داواکارییەکانی خەڵک و تێپەڕاندنی قۆناغەکە. 

 

پارتی ئازادی کوردستان(پاک) کە راستەوخۆ پشتیوانی بۆ هێرشەکانی ئیسرائیل بۆ سەر ئێران دەربڕیووە، داواشی لە خەڵکی رۆژهەڵاتی کوردستان کردووە، "راپەڕین" بکەن. 

 

حیزبی دیموکراتی کوردستانی ئێران (حدکا) بەرپرسیارێتیی هێرشەکانی ئیسرائیل بۆ سەر بنکە سەربازی و ئەتۆمییەکانی ئێران، خستەوەتە ئەستۆی ئێران و رایگەیاندووە، "بەرپرسیاری هەموو قەیرانەکانی ئێستا و ئەو دۆخەیە بەسەر وڵاتدا سەپاوە".

حیزبی دیموکرات وەک پشتیوانییەک بۆ هێرشەکان باسی لەوەکردوە، ئەمە شەڕی گەلانی ئێران نییە، بەڵکو "شەڕی دەسەڵاتبەدەستانی کۆماری ئیسلامییە".

 

پارتی ژیانی ئازادی کوردستان(پژاک) کە خۆی بە بەشێک لە باوەڕی عەبدوڵڵا ئۆجالان رێبەری پەکەکە دەزانێت و تاکە حزبی رۆژهەڵاتی کوردستانە کە کەمپ نیشین نەبووە، ناڕاستەوخۆ پشتیوانی هێرشەکانی ئیسرائیلی کردووە. 

 

پارتی ژیانی ئازادی کوردستان بە ڕەخنەگرتن لە دۆخی ناوخۆیی ئێران ئاماژەی بۆ ئەوەکردووە،" هێرشەکان بەردەوام دەبن تا ئەو کاتەی بەتەواوی مەترسی و کاریگەرییە ئەگەرییەکانی ڕژێمەکە کۆتایی پێدێت.

 

باسی لەوەشکردووە، "دەربڕینی خۆشحاڵی گەلی ئێران بۆ لاوازبوونی ئەو جۆرە دەسەڵاتە بەو مانایە نییە کە کۆمەڵگەی ئێرانی هەموو هیواکانیان لەسەر ئەنجامی شەڕێکی لەو شێوەیە هەڵچنیوە". 

 

پارتی ژیانی ئازادی کوردستان لەگەڵ ئەوەی ئامادەیی خۆی بۆ " بەرگریکردن لە گەل و گەلانی دیکەی ئێران لە بەرامبەر هەر جۆرە سەرکوتکردن و هەڕەشەی کۆمەڵکوژی" نیشانداوە، داوای دروستکردنی رێکخستنی لەناو هاوڵاتییاندا کردووە. 

 

هەڵوێستی نوێی حزبەکانی رۆژهەڵاتی کوردستان خوێندنەوەی ئەوەی بۆ دەکرێت، هەرێمی کوردستان بخاتە بەر هێرشی ئێرانەوە، هەر بۆیەش بەشێک لە حزبەکان ئەو کەمپانەیان چۆڵکردووە کە لە چوارچێوەی رێککەوتنی ئەمنی هەولێر، تاران و بەغدا بۆیان دابینکراوە.

 

بەرەبەیانی 13ـی حوزەیران، ئیسرائیل هێرشی کردە سەر ئێران و چەندین شوێنی کردە ئامانج، هەروەها چەند بەرپرسێکی سەربازی ئێرانی کوشت، لەو کاتەوە پێکدادانی راستەوخۆی نێوان ئێران و ئیسرائیل بەردەوامە.

 

ئێران لە وەڵامی هێرشەکانی ئیسرائیل، ئۆپەراسیۆنی "بەڵێنی راست 3"ی راگەیاند، بە چەند قۆناخ و بە دەیان مووشەک و درۆن هێرشی کردەوە سەر ئیسرائیل، تا ئێستاش پێکدادانەکان بەردەوامن.