زانست

ژمارەیەک ئەپڵیکەیشنی ئایینی بە زمانی کوردی بۆ مانگی رەمەزان

لە ئێستادا ژمارەیەک ئەپڵیکەیشن هەیە کە بەکاردێن لە لایەن کەسانێکەوە کە گرنگیەکی زیاتر بە کاتەکانی نوێژ کردن و بنەماکانی دەدەن هاوکات ئەم ئەپڵیکەیسنانە چەن تایبەتمەندیەکی تایبەت بە خۆیان هەیە ئەوانیش:-

بانگ: ئەپێکی تایبەتە بە کاتەکانی بانگ لە پارێزگاکانی هەرێمی کوردستان، شارۆچکە و شارەدێکان هاوکات چەند تایبەتمەندییەکی دیکەی وەک قیبلەنما، نزا و زیکری تێدایە.

دەنگی قورئان: تایبەتە بە گوێگرتن لە قورئان بە دەنگی قورئانخوێنە کورد و جیهانییەکان، هەروەها لە رێگەیەوە دەتوانیت فێری شێوازی خوێندنەوەی پیتەکانی قورئان ببیت.

رێگەی ئیسلام: ئەم ئەپەش هاوشێوەی ئەوانی دیکە چەندین تایبەتمەندی هەیە، لەوانە، کاتەکانی بانگ، قورئان، شێوازی نوێژکردن و پرسیار و وەڵام. زانستی ئیسلام: ئەم ئەپە کاتەکانی بانگی تێدایە بە گوێرەی شارەکان، پرسیار و وەڵامی ئایینی و قورئانی تێدایە و لە هەمانکاتدا تەفسیرەکەی بە زمانی کوردی بەردەستە

نور: چەندین تایبەتمەندیی سەرنجڕاکێش و ناوازەی تێدایە، هاوشێوەی ئەپەکەنی دیکە کاتی بانگ، قیبلەنما، فەرموودەی تێدایە، بەڵام بەشی قورئانەکەی تایبەتمەندییەکی سەرنجڕاکێشی هەیە، ئەوەیش تایبەتمەندیی هەبوونی ئایەتە قورئانییەکانە بە زمانی ئاماژە، کە تایبەتە بەو کەسانەی کە نابیستن یاخود ناگۆن،

هەواڵ

مەسعود بارزانی: لەسەر بنەمای 50 بە 50 حکومەت پێکنایەت

مه‌سعود بارزانى سه‌رۆكى پارتى دیموكراتى كوردستان جەختدەکاتەوە لە پێکهێنانی کابینەی نوێی حکومەتی هەرێم لەسەر بنەمای" یه‌ك هه‌رێم‌ و حكومه‌ت‌ و په‌رله‌مان ‌و پێشمه‌رگه" و دەڵێت: لەسەر بنەمای 50 بە 50 حکومەت پێکنایەت.

ئەمڕۆ لە هەولێر، مەسعود بارزانی، سەرۆکی پارتی دیموکراتی کردستان لە کۆنگرەی یەکگرتنی هەردوو رێکخراوی قوتابییان و لاوانی پارتی وتارێکی گشتگیری پێشکەش کرد و لە بەشیک لە قسەکانیدا باسی لە پێکهێنانی کابینەی نوێی حکومەتی هەرێم کرد.

مه‌سعود بارزانى وتی: ئێستاش دواى هه‌ڵبژاردنی پەرلەمانی کوردستان زه‌مینه‌ ره‌خساوه‌ بۆ گفتوگۆو به‌هه‌موولایه‌نه‌كانیشمان وتووه‌ ئه‌وانه‌ى كورسیان به‌ده‌ستهێناوه‌، فه‌رمون وه‌رن با پێكه‌وه‌ حكومه‌ت پێكبهێنین، نه‌هاتن، به‌شێكیان بڕیارى بون به‌ئۆپۆزسیۆنیان داوه‌ ئێمه‌ش ڕێز له‌هه‌ڵبژاردنه‌كه‌یان ده‌گرین.

بارزانی ئاماژەی بەکرد، ئێستا گفتوگۆ له‌نێوان پارتى ‌و یه‌كێتیه‌، ئه‌گه‌رچى تائێستا قۆناغێكى زۆریان بڕیوه‌، به‌ڵام هێشتا ماوه‌.

سەرۆکی پارتی وتی: دوباره‌ى ده‌كه‌مه‌وه‌، ئه‌مه‌ په‌یامى پێش هه‌ڵبژاردنیشمه‌، یه‌ك هه‌رێم‌ و حكومه‌ت‌ و په‌رله‌مان‌و پێشمه‌رگه‌، ئێمه‌ پێمانخۆشه‌ له‌سه‌ر ئه‌و بنه‌مایه‌ له‌گه‌ڵ یه‌كێتیى‌ و لایه‌نه‌كانى دیكه‌ش حكومه‌ت پێكبهێنین، به‌ڵام حكومه‌تێك ئه‌و مه‌بده‌ئانه‌ى تێدا نه‌بێت، پێكنه‌یه‌ت باشتره‌.

لە کۆتایی قسەکانیدا رایگەیاند، هه‌موو هه‌وڵێك ده‌ده‌ین هه‌رچى زوتر حكومه‌ت پێكبێت‌ داوا له‌پارتى‌ و یه‌كێتیى ده‌كه‌م په‌له‌ بكه‌ن له‌پێكهێنانى حكومه‌ت، به‌ڵام لەسەر ئەو بنەمایە، ئەگەر لەسەر ئەو بنەمایە پێکنەیەت ئێمە بەردەوم دەبین لە ئیشی خۆمان، بەڵام حکومەتێک پێکنایەت له‌سه‌ر بنه‌ماى 50 به‌ 50.

ئەمە دووەم جارە لە دوای هەڵبژاردنی پەرلەمانی کوردستان کە بارزانی داوا لە یەکێتی و پارتی دەکات، پەلەبکەن لە پێهێنانی حکومەتی هەرێ، رۆژی نۆی نیسان لە میانی بەشداریکردنی لە 17یەمین پێشانگەی نێودەوڵەتیی کتێب لە هەولێر، جەختی لە پێویستیی پەلەکردن لە پێکهێنانی کابینەی نوێی حکومەتی هەرێمی کوردستان کردەوە لەلایەن پارتی و یەکێتییەوە.

رۆژی 20ـى تشرینی یەکەمی ساڵی رابردوو، هەڵبژاردنی پەرلەمانی کوردستان ئەنجامدرا، پارتی 38 کورسی و یەکێتی 23 کورسی بەدەستهێنا، دوای نزیکەی حەوت مانگ لە ئەنجامدانی هەڵبژاردن هێشتا یەکێتی و پارتی لەسەر پێکهێنانی کابینەی 10ـى حکومەتی هەرێم رێکنەکەوتوون.