زانست

زیرەکی دەستکرد ناتوانێت جێگەی زاناکان بگرێتەوە

لە ماڵپەڕی "TASS" بڵاوکراوەتەوە، شارەزای بواری تەکنەلۆجیای کۆمپیوتەر ئیگۆر کالیڤ جەختی لەوە کردەوە کە "بنەما سەرەکییەکانی گەڕان بەدوای یاساکان لە کۆمەڵە داتاکان سەرەتا دەبێت لەلایەن زاناکانەوە دابڕێژرێن، دواتر دەبێت زیرەکی دەستکرد لەسەریان ڕابهێنرێت".

باسیشی لەوە کرد زیرەکی دەستکرد هێشتا توانای ئەوەی نییە بە تەواوی جێگەی توێژەرانی زانستی بگرێتەوە، بەدووری نازانرێت لە داهاتوودا بتوانێت تیۆری نوێ پێشنیار بکات یان یاسای زانستی نوێ دابڕێژێت."AI ئامرازێکی زۆر بەهێزە بۆ توێژینەوەی زانستی مۆدێرن، بەتایبەتی لە توێژینەوەکانی پەیوەست بە شیکردنەوەی بڕێکی زۆر لە داتا ئەزموونییەکان کە دەتوانێت یارمەتی زاناکان بدات بە خێرایی و کارایی بڕێکی زۆر لە داتاکان شیبکاتەوە کە مرۆڤ ناتوانێت مامەڵەی لەگەڵدا بکات،

بەڵام کۆی گشتی بابەتەکە ئەوەیە کە AIتەنها وەک یارمەتیدەرێک وایە و ناتوانێت جێگەی زاناکان بگرێتەوە" کالیێڤ ئاماژەی بەوە کرد بنەما سەرەکییەکانی گەڕان دەبێت لەلایەن زاناکانەوە دابڕێژرێن، پاشان AI لەسەریان ڕاهێنانیان پێبکرێت

هەواڵ

موقتەتا سەدر هاتە دەنگ

موقتەدا سەدر، ڕێبەری ڕەوتی سەرد، لەراگەیەندراوێكدا ڕایگەیاند،"ئەمە یەکەم ھەڵبژاردنە لەعێراق بەبێ بەشداری ڕەوتی شیعی نیشتیمانی(ڕەوتی سەدر) ئەمەش دڵەڕاوکێی زۆری لای ھاوڵاتیان دروستکردوە کە بەشداری ھەڵبژاردن دەکەن". دەشڵێت،" لەگەڵ دڵەڕاوکێی خەڵک چەندین سیناریۆ دروستکراوە کەگوایە ڕەوتی سەدر بەبەکارھێنای ھێز رێگە نادەن بگەنە سندوقەکانی ھەڵبژاردن، یاخود وتراوە، ڕەوتی سەدر فیتنە دروست دەکات بۆ ئەوەی کەشێکی ئارام بۆ ھەڵبژاردن نەخوڵقێت و بەلایەنگرییە ملیۆنیەکەی دێتە سەر شەقام و خۆپیشاندان دەکات، جەختیش دەكاتەوە،" ھەرچەندە ئێمەلەگۆڕەپانی سیاسی نەماون بەڵام ھەموو تیرەکانیان بۆ سەر ئێمەیە". سەدر لەڕاگەیەندراوەكەیدا بەبێ ناوهێنان پەیامێكی ئاگرین ئاڕاستە دەكات و دەڵێت،" ئەگەر گردبونەوەو ناڕەزایەتی و بەگژداچونەوەتان دەوێت ئێمە خۆمان خاوەنی ئەوەین و فەرموو خۆتان تاقی بکەنەوە و ئێمە لەھەڕەشەکانتان ناترسین".
دەشلێت،" ئەوەی لەگەڕانەوەی بەعس دەترسێت و خەڵکی پێدەترسێنێت ئەوە حزبێکی بێ کەڵکە".
ھەروەھا لەبارەی خزمەتگوزاری و پەرەوردەو وشکە ساڵی و تەندروستی و دۆسیەی ئەمنی پێی وایە، لەخراپترین ئاستتدان و نوسیویەتی،" ھۆزەکان لەلایەک و میلیشیاکان لەلایەک بونەتە بەڵاو خوێنی عێراقی دەرێژرێت".
لەكۆتایی ڕاگەیەندراوەكەشیدا دوپاتیدەكاتەوە،" ئێوە باسی ئەوە دەکەن کە عێراق و گەلەکەی لەگەڵتانە، کەچی گەلی عێراق بەھۆی بێ کاری و ھەژاری و نەخۆشی و گەندەڵییەوە دەناڵێنێت و رڕوی لەزیادبونیشە، كەئەو مەترسیە مەترسی ئاینی عەقیدەشە نەک تەنھا نیشتیمانی ئێوە کەی شیعە