پەروەردەی سێکسی

ئەو ژنانەی ئاستی ژیانیان نزمە، زیاتر تووشی هەوكردنی كۆئەندامی زاوزێ دەبن

ئەو ژنانەی لەكەمە نەتەوەكانن و ئاستی ژیانیان بەراورد بە ژنانی دیكە نزمترە، زیاتر لەبەردەم ئەگەری تووشبوون بە هەوكردن و نەخۆشیە گوازراوەكاندان  لە ڕیگەی سێكسەوە، بە دیاریكراویش هەوكردن بە مشەخۆری (trichomonas vaginalis)
لە تویژینەوەیەكدا كە لەلایەن ڕێكخراوی تەندرووستی سێكسی بۆ ڕێگریكردن لە نەخۆشەیە سێكسیەكان كراوە دەربارەی ئەو نەخۆشیە نەزانراوانەی كە لەرێگەی سێكسەوە دەگوازریتەوە ئەنجام دراوە، دەركەوتووە كە ئەو ژنانەی لە كەمە نەتەوەكانن زیاتر لەبەردەم مەترسی تووشبوندان بە هەوكردنی كۆئەندامی زاوزێ.

لە تویژینەوەكەدا ئەو ژنانەی نیشانەی هەوكردنەكەیان هەبوو بەرورد كران دەركەوت %5 پۆینت دوو یان ئەو ژنانە بوون كە كوالێتی ژیانیان خراپە یان ئاستی پاكوخاوێنیان لاوازە.
لە بەرامبەردا ئەو ژنانەی كە ئاستیكی پاكوخاوێنی و كوالێتیەكی باشتری ژیانیان هەبوو تەنها ڕێژەی %3 پۆینت چواریان پێكهێناوە لەكۆی تووشبوەكان.
لە توێژینەوەكەدا ڕاپرسی كراوە   و زیاتر لە هەشت هەزار ژن تیایدا بەشداربوون،دەركەوتووە كە لەناو نەخۆشیە گوازراوەكان لەڕێگەی سێكسەوە مشەخۆری ناسراو بە (Trichomonas  vaginalis)زۆر باوترە و بەربڵاوترە بە بەراورد بە (Gonorrhoea)
كە ئەم جۆرە بەكتریایەش یەكێكە لە  هۆكارە باوەكانی هەوكردنی كۆئەندامەكانی زاوزێ كە لەڕێگەی سێكسەوە دەتوانێ بگوازریتەوە. 

Trichomonas vaginalis چیە؟
یەكێكە لە مشەخۆرەكان كە لەڕێگەی سێكسەوە دەگوازرێتەوە و دەبێتە هۆی هەوكردنی زێی ژانن، زۆربەی جارەكان ئەو كەسانەی تووشی دەبن لەدوای ئەنجامدانی پڕۆسەی سێكسەوە بۆیان دەگوازرێتەوە، بەتایبەت ئەوانەی ڕێكاری درووست بۆ ئەنجامدانی سێكس ناگرنە بەر.
زیاتر لەنیوەی ئەوانەی كە تووشیدەبن بێ نیشانەن، بەڵام ئەوانەی كەتووشی دەبن و نیشانەیان هەیە بەزۆری دوای مانگێك لە تووشبون بە مشەخۆرەكە نیشانەكانیان تێدا دەردەكەویت.
نیشانە باوەكانی لە ژناندا:
بوونی دەردراوی نائاسایی لە كۆئەندامی زاوزێ
خوراندن وسوربوونەوە
 ئازارو نارەحەتی لەكاتی ئحەنجامدانی پڕۆسەی سێكس

نیشانە باوەكانی لە پیاواندا: 
دەردراوی نائاسایی لە چوكی پیاودا
ئازار لەكاتی میزكردندا
سوربونەوە وئاوسان لە چوكدا

هەواڵ

پەرلەمانی کوردستان دەخرێتەوە ژێر رەحمی چەکوشی دادگای فیدراڵی عێراق

دوو سکاڵا بۆ هەڵوەشاندنەوەی ئەم خولەی پەرلەمانی کوردستان لە دادگای فیدراڵی تۆمار دەکرێت، کە ئەنجامدانی هەڵبژاردنەکەی بە بڕیاری هەمان دادگا بووە.  

 هەڵبژاردنی خولی شەشەمی  پەرلەمانی کوردستان دوای دوو ساڵ دواخستن لە وادەی خۆی، دواجار بە بڕیاری دادگای فیدراڵی کۆتایی ساڵی رابردوو ئەنجام درا.

دادگای فیدراڵی بەشێکی چیرۆکی دواخستنی هەڵبژاردنی پەرلەمانی کوردستان بوو، نزیکەی ساڵێک تاتوێی سکاڵایەکی لەبارەی هەڵبژاردنەکەوە کرد، کە دواجار بە هەڵوەشاندنەوە و دواتر کەمکردنەوەی ژمارەی کورسی کۆتایی پێکهاتەکان کۆتاییهات.

ئێستا جارێکی دیکە ئەنجامی ئەو هەڵبژاردنە خراوەتەوە بەر دەستی دادگای فیدراڵی عێراق، کۆمەڵی دادگەری کوردستان و جوڵانەوەی نەوێ نوێ رایگەیاندووە، لە دادگای فیدراڵی سکاڵایان بۆ هەڵوەشاندنەوەی خولی شەشەمی پەرلەمانی کوردستان تۆمارکردووە.
سکاڵاکەی کۆمەڵی دادگەری کە یەکەم سکاڵایە بۆ هەڵوەشاندنەوەی خولی شەشەم لەلایەن عومەر گوڵپی کاندیدی سەرکەتووی حزبەکە دژی پەرلەمانی کوردستان تۆمار کراوە.

عومەر گوڵپى سەبارەت بە تۆمارکردنی ئەو سکاڵایە رایگەیاندووە،"داوامان لە دادگاى فیدراڵی کردووە، خولەکە هەڵوەشێندرێتەوە و هەڵبژاردن دووبارە بکرێتەوە، هەروەها هەموو ئەو ئیمتیازە ماددییانەى لە پێنج مانگى ڕابردوودا پەرلەمانتاران وەریان گرتووە، لێیان وەربگیرێتەوە".

کۆمەڵى دادگەرى کە لە هەڵبژاردنى خولى شەشەمى پەرلەمانى کوردستاندا سێ کورسیى بەدەستهێنا، دواتر هەڵبژاردنەکەی بە" دیزاینکراو" وەسفکرد و بڕیاریدا بایکۆتی خولەکە بکات.

دوای چوار رۆژ لە سکاڵاکەی کۆمەڵی دادگەری، جوڵانەوەی نەوەی نوێش رایگەیاند، سکاڵایان بۆ هەڵوەشاندنەوەی پەرلەمانی کوردستان تۆمار کردووە. 

نەوەی نوێ رایگەیاندووە، سکاڵاکەی ئەوان دژی سەرۆکی هەرێمی کوردستان، ئەوەیش بەهۆی ئەوەی تا ئێستا بڕیاری هەڵوەشاندنەوەی پەرلەمانی کوردستانی دەرنەکردووە.

ڕۆژی 20ـی تشرینی یەکەمی 2024، هەڵبژاردنی خولی شەشەمی پەرلەمانی کوردستان ئەنجام درا، بەپێی ئەنجامی کۆتایی هەڵبژاردن کە لەلایەن کۆمسیۆنەوە بڵاوکراوەتەوە، پارتی 39 کورسی، یەکێتی 23 کورسی، نەوەی نوێ 15 کورسی، یەکگرتوو 7 کورسی، هەڵوێست 4 کورسی، کۆمەڵ 3 کورسی، بەرەی گەل 2 کورسی و هەریەک لە گۆڕان و هاوپەیمانی کوردستانیش یەکی کورسییەکیان بەدەستهێناوە.

دوای نزیکەی حەوت مانگ لە ئەنجامدانی هەڵبژاردن، تا ئێستا پەرلەمانی کوردستان کارا نەبووە و تەنها پەرلەمانتاران سوێندی یاسایان خواردووە، بەڵام هەموو مانگێک مووچە وەردەرگن.