Horoscopes

بورجی ڕۆژانە

بورجی ڕۆژانە ١٨/٧

کاوڕ
ئەکرێت ڕووبەڕوی  هەندێک قورسی و کێشە ببیتەوە لەگەڵ هەستەکانت، هەست و بیرکردنەوەکانت دەرببڕە و دوای دڵت بکەوە.

گا
لەوانێیە پێویست بکات هەندێک گۆڕانکاری لەگەڵ دڵدارەکەت بکەیت، سەرنجت لەسەر ژیانی سۆزداریت بێت ئارامگرانە گفتوگۆی لەسەر بکە.

دووانە
سەرنجت لەسەر تەندرووستی و کارەکەت بێت، تواناکانت دەربخەو هەوڵی بەرەو پێش چوونت بدە و ئاسانتر مامەڵە لەگەڵ هەستەکانت بکە.

قرژاڵ
ئەمڕۆتەرخان بکە بۆ چێژ وەرگرتن لە ڕۆژەکەت لە جیاتی کار و ماندوێتی، هەستەکانت بە بەرزی و نزمیدا تێدەپەڕن بۆیە پشوو بدە.

شێر
ئاگات لە تەندروستی دەروونی هەم خۆت هەم خێزانەکەت بێت، هەروەها ئینێرجییەکی زۆر باشیش لە کارەکەتدا ڕووت تێدەکات.



گوڵەگەنم
سەرنجت لەسەر باش بوون و تەندروستی دەروونیت بێت، هەرچەنە ئەکرێت گۆڕانکاری بێتە پێش ئەو پلاننانەی داتناوە.

تەرازوو
هەوڵی باشتر کردنی پەیوەندییەکەت بدە لەگەڵ خۆشەویستەکەت، چاویشت لەسەر ئەو کارانەت بێت کە دەیکەیت و تواناکانت بەتەواوەتی دەربخە.

دووپشک
ڕووبەڕووی هەندێک گفتوگۆی جدی دەبیتەوە هەم لەگەڵ هاوبەشەکەت هەم خێزانەکەتدا، لەگەڵیشیا پێویستە ئاگات لە جەستە و تەندروسیت بێت.

تیروکەوان
لە ژاوەژاوی ڕۆژانە دوورکەوەرەوە و هەندێک کات بۆخۆت بەتەنیا بەسەر ببە، پشوودان و باش بوونی خۆت بخەرە ئەوەڵی لیستەکەت.

گیسک
لەگەڵ هاوڕێکانت قسە بکە و لەبارەی کێشەکانتەوە بدوێ، ئەکرێت گۆڕانکاری چاوەڕوان نەکراو بێتە پێشت لە ژیانی سۆزداریتدا.

سەتڵ
لەوانەیە هەندێک کێشەی خێزانی بێتە پێشت و لە کارەکەت زیاتر هیلاک ببیت، بەڵام بەهۆی کارکردنی زۆرەوە بەرەپێش چوونی بەرچاو بەدی دەکەیت.


نەهەنگ
هەلی نوێ و کاری جیاواز تاقی بکەرەوە و لە ڕۆتینی ڕۆژانەت دەربچۆ،لەگەڵیشیا چاوەڕوانی ڕووداوی چاوەڕوان نەکراویش بە.

هەواڵ

داهات و نەوت… هەولێر و بەغدا رێککەوتنی نوێ بۆ ناردنی مووچە دەکەن

داهات و نەوت حکومەتی عێراق و حکومەتی هەرێمی کوردستان دەباتەوە سەرمێزی گفتوگۆ، جێگرى سەرۆکى ئەنجومەنى نوێنەرانى عێراق دەڵێت، رێککەوتن لەسەر نەوت کراوە و  لێکتێگەیشتنى باشیش لەسەر دۆسیەی داهاتە نانەوتییەکان هەیە. 

 دۆسیەی نەوت و داهاتە نانەوتییەکان، چارەنووسی مووچەی مانگی حوزەیرانیان و مانگەکانی دواتریان بە ئەنجامدانی رێککەوتنی نوێ لەگەڵ حکومەتی عێراق بەستوەتەوە. 

بەپێی زانیارییەکانی دیجیتاڵ میدیای Mic، حکومەتی عێراق داوای نیووەی کۆی داهاتە نانەوتییەکان دەکات، بەڵام حکومەتی هەرێمی کوردستان ئەوە رەتدەکاتەوە. 

حکومەتی هەرێمی کوردستان پێشنیازی کردووە، تەنها نیووەی ئەو داهاتانە بۆ حکومەتی عێراق بگەڕێنێتەوە کە بە داهاتی فیدراڵی دادەنێرن.

هەرێمی کوردستان پشتی بە مادەی 29ـی یاسای کارگێڕیی دارایی ساڵی2019ـی عێراق بەستووە، کە تێیدا هاتووە، 50%ی داهاتی رسومات و باجی فیدراڵی لەو فەرمانگانەی لەلایەن حکومەتی ناوەندییەوە بەڕێوەدەبرێن بۆ پارێزگاکان دەبێت.

شاخەوان عەبدوڵا، جێگرى سەرۆکى ئەنجوومەنى نوێنەرانى عێراق لە لێدوانێکی رۆژنامەوانیدا بەبێ باسکردنی وردەکارییەکان زانیارییەکانی دیجیتاڵ میدیای Micـی پشتراستکردەوە و رایگەیاند، لەئێستادا لێکتێگەیشتنى باش لەسەر دۆسییەى داهاتە نانەوتییەکانى هەرێمى کوردستان هەیە. 

دۆسیەی نەوت یەکێکی دیکەیە لە تەوەرەکانی گفتوگۆ، حکومەتی عێراق داوای 280 هەزار بەرمیل نەوتی رۆژانە دەکات، هەرێمی کوردستان رایگەیاند، بەهۆی هێرشە درۆنییەکانەوە ناتوانێت ئەو بڕە بدات. 

عێراق وەک تێگەیشتنێک بۆ دۆخی بەرهەمهێنانی نەوت ئامادەیی دەبری هەر بڕە نەوتێک وەبگرێت کە لە هەرێمی کوردستانەوە رادەستیان بکرێت. 

شاخەوان عەبدوڵا، جێگرى سەرۆکى ئەنجوومەنى نوێنەرانى عێراق سەبارەت بە دۆسییەى نەوت ئاماژەی بۆ ئەوەکرد، کۆتایی هاتووە و هەرێمى کوردستان و عێراق رێککەوتنیان لەسەر کردووە.

نزیک دەبینەوە لە ناوەڕاستی مانگی ئاب، بەڵام مووچەخۆرانی هەرێمی کوردستان هێشتا چاوەڕوانی مووچەی مانگی حوزەیرانن. 

سەبارەت بە چارەنووسی مووچە و وادەی ناردنی لەلایەن بەغداوە شاخەوان عەبدوڵا وتى، لەگەڵ رێککەوتنى کۆتایی، بەغداد مووچەش دەنێرێت.

ناوەڕاستی مانگی تەمووزی ئەمساڵ، هەولێر و بەغدا لەسەر  پرسی مووچە و نەوت رێککەوتنێکییان راگەیاند، بەپێی رێککەوتنەکە هەرێمی کوردستان مانگانە بڕی 120 ملیار دینار داهاتی نانەوتی رادەستی بەغدا بکات، جگە لە رادەستکردنی بڕی 230 هەزار بەرمیل نەوتی رۆژانە بە کۆمپانیای سۆمۆ.

 دوای ئەو دوو مانگەش مانگانە 50٪ی داهاتی نانەوتی رادەست بکرێت لەگەڵ هەمان بڕی نەوت، لە بەرامبەردا، وەزارەتی دارایی عێراق مانگانە مووچەی مووچەخۆرانی هەرێمی کوردستان خەرج دەکات، بەڵام وادیارە ئەو رێککەوتنەش نەگەیشتووەتە ئەنجام و رێککەوتنی نوێ دەکرێت.