Horoscopes

لەدایكبوانی ئەم بورجە باری دەروونییان تێكدەچێت

کاوڕ
لەوانەیە سەرقاڵ بیت بە بیرکردنەوە لە ڕابردووت، بۆیە پێویستە هەوڵبدەیت خۆت بدۆزیتەوە و سەرنج بخەیتە سەر باشبوونت نەوەک ڕابردوو.

گا
هەوڵبدە سەرنجت لەسەر هەستەکانت بێت، لەوانەیە بتەوێت کاتەکانت لە ماڵەوە بەسەر ببەیت، هەتا باردۆخەکە لەسەرت ئاسانتر دەبێتەوە.

دووانە
دەکرێت تێبینی گۆڕانکاری زۆر بکەیت، لایەنی دەروونی لەوانەیە بە کاتێکی قورسا تێ بپەڕێت، بەڵام زیاتر سەرنجت لەسەر باری داراییت دەبێت.

قرژاڵ
وا دیارە بە بارێکی هیلاککەری دەرونیا تێدەپەڕیت، بەڵام ئەم هەفتەیە دەبێ بە کاتێکی ڕۆشن و گەڕانەوەی دەروونێکی ئاسوودە بۆت.

شێر
متمانە بەخۆبوونت دەچێتە لوتکە و بەر تێکەڵاوبوون و تاقیکردنەوە دەکەویت، هەروەها بەرەو ئامانج وخەونەکانت هەنگاو دەنێیت.


گوڵەگەنم
کەمێک لە دنیای کار و سترێس دووردەکەویتەوە و هەوڵدەدەیت زیاتر کات لەگەڵ هاوڕێکانت بەسەربەریت، کە ئەمەش سوودێکی زۆری دەبێت بۆ باری دەروونیت.

تەرازوو
پێویستە  زیاتر هەوڵبدەیت لە کارەکەت و بەرگەی گۆڕانکارییەکانیش بگریت، کە دێنە پێشت هەروەها خۆری ژیانی سۆزداریشت ڕەنگە هەڵبێت.

دووپشک
سەرقاڵی بیرکردنەوەیت لە داهاتووت و هەموو ئەگەرەکان، بەڵام ئەوەی دڵ خۆشکەرە ئەوەیە پلانەکانت بە دڵی خۆت دەڕۆن و بێ کێشە دەبن.

تیروکەوان
هەرچەندە بەر گۆڕانکاری گرنگ و جیاواز دەکەویت، بەڵام لەگەڵیا پێویستە ئاگات لە لایەنی دەروونیت بێت و هەوڵی باش بوونت بدەیت.

گیسک
لەوانەیە پێویستت بە هەندێک کاتی تەنیایی بێت، هەتا هەندێک لە دوودڵیەکانت بۆ ڕوون ببێتەوە، وە هەروەها ئەو گفتوگۆیانەی لە نێوان خۆت و هاوبەشەکەت دەتبێت زۆر بە باشی دەڕۆن.

سەتڵ
سەرنجت لەسەر پەیوەندییەکەت بێت لەگەڵ هاوبەشەکەت، کاتێکی باشە بۆ پێدانی ئینێرجی بە ژیانی سۆزداریت و بەرەوپێش چوونت لەگەڵ هاوبەشەکەتدا. 

نەهەنگ
پێویستت بە چالاکی و گۆڕانکاری دەبێت تا دڵ خۆشبیت و باری دەروونیت بەرەو پێش بچێت، هەروەها  باش خۆت ئامادە بکە بۆ ئەو گۆڕانکارییانەی بەڕێوەیە.

هەواڵ

داهات و نەوت… هەولێر و بەغدا رێککەوتنی نوێ بۆ ناردنی مووچە دەکەن

داهات و نەوت حکومەتی عێراق و حکومەتی هەرێمی کوردستان دەباتەوە سەرمێزی گفتوگۆ، جێگرى سەرۆکى ئەنجومەنى نوێنەرانى عێراق دەڵێت، رێککەوتن لەسەر نەوت کراوە و  لێکتێگەیشتنى باشیش لەسەر دۆسیەی داهاتە نانەوتییەکان هەیە. 

 دۆسیەی نەوت و داهاتە نانەوتییەکان، چارەنووسی مووچەی مانگی حوزەیرانیان و مانگەکانی دواتریان بە ئەنجامدانی رێککەوتنی نوێ لەگەڵ حکومەتی عێراق بەستوەتەوە. 

بەپێی زانیارییەکانی دیجیتاڵ میدیای Mic، حکومەتی عێراق داوای نیووەی کۆی داهاتە نانەوتییەکان دەکات، بەڵام حکومەتی هەرێمی کوردستان ئەوە رەتدەکاتەوە. 

حکومەتی هەرێمی کوردستان پێشنیازی کردووە، تەنها نیووەی ئەو داهاتانە بۆ حکومەتی عێراق بگەڕێنێتەوە کە بە داهاتی فیدراڵی دادەنێرن.

هەرێمی کوردستان پشتی بە مادەی 29ـی یاسای کارگێڕیی دارایی ساڵی2019ـی عێراق بەستووە، کە تێیدا هاتووە، 50%ی داهاتی رسومات و باجی فیدراڵی لەو فەرمانگانەی لەلایەن حکومەتی ناوەندییەوە بەڕێوەدەبرێن بۆ پارێزگاکان دەبێت.

شاخەوان عەبدوڵا، جێگرى سەرۆکى ئەنجوومەنى نوێنەرانى عێراق لە لێدوانێکی رۆژنامەوانیدا بەبێ باسکردنی وردەکارییەکان زانیارییەکانی دیجیتاڵ میدیای Micـی پشتراستکردەوە و رایگەیاند، لەئێستادا لێکتێگەیشتنى باش لەسەر دۆسییەى داهاتە نانەوتییەکانى هەرێمى کوردستان هەیە. 

دۆسیەی نەوت یەکێکی دیکەیە لە تەوەرەکانی گفتوگۆ، حکومەتی عێراق داوای 280 هەزار بەرمیل نەوتی رۆژانە دەکات، هەرێمی کوردستان رایگەیاند، بەهۆی هێرشە درۆنییەکانەوە ناتوانێت ئەو بڕە بدات. 

عێراق وەک تێگەیشتنێک بۆ دۆخی بەرهەمهێنانی نەوت ئامادەیی دەبری هەر بڕە نەوتێک وەبگرێت کە لە هەرێمی کوردستانەوە رادەستیان بکرێت. 

شاخەوان عەبدوڵا، جێگرى سەرۆکى ئەنجوومەنى نوێنەرانى عێراق سەبارەت بە دۆسییەى نەوت ئاماژەی بۆ ئەوەکرد، کۆتایی هاتووە و هەرێمى کوردستان و عێراق رێککەوتنیان لەسەر کردووە.

نزیک دەبینەوە لە ناوەڕاستی مانگی ئاب، بەڵام مووچەخۆرانی هەرێمی کوردستان هێشتا چاوەڕوانی مووچەی مانگی حوزەیرانن. 

سەبارەت بە چارەنووسی مووچە و وادەی ناردنی لەلایەن بەغداوە شاخەوان عەبدوڵا وتى، لەگەڵ رێککەوتنى کۆتایی، بەغداد مووچەش دەنێرێت.

ناوەڕاستی مانگی تەمووزی ئەمساڵ، هەولێر و بەغدا لەسەر  پرسی مووچە و نەوت رێککەوتنێکییان راگەیاند، بەپێی رێککەوتنەکە هەرێمی کوردستان مانگانە بڕی 120 ملیار دینار داهاتی نانەوتی رادەستی بەغدا بکات، جگە لە رادەستکردنی بڕی 230 هەزار بەرمیل نەوتی رۆژانە بە کۆمپانیای سۆمۆ.

 دوای ئەو دوو مانگەش مانگانە 50٪ی داهاتی نانەوتی رادەست بکرێت لەگەڵ هەمان بڕی نەوت، لە بەرامبەردا، وەزارەتی دارایی عێراق مانگانە مووچەی مووچەخۆرانی هەرێمی کوردستان خەرج دەکات، بەڵام وادیارە ئەو رێککەوتنەش نەگەیشتووەتە ئەنجام و رێککەوتنی نوێ دەکرێت.