Horoscopes

پێشبینی بورجەکان بۆ ئەمڕۆ 8ی تەمموز بخوێنەرەوە

کاوڕ

پێویستە هەندێک کات لەگەڵ خێزانەکەت بەسەرببەیت و لەگەڵیان دابنیشیت.

گا
ئەوەندە خۆت سەرقاڵی ڕۆتینەکانی ژیان مەکەو هەندێك کاتی تەنیا و بێدەنگ بۆخۆت وەربگرە.

دووانە

پێشکەوتن و بەرەوپێش چوون لە ژیانی کارت بەدی دەکەیت و لەگەڵ دڵدارەکەت نزیکتر دەبنەوە.

قرژاڵ

لە لایەنی سۆزدارییەوە بەرەوپێش چوون بەخۆتەوە دەبینیت،  خۆشت باشتر و ئاسودەتر دەردەکەویت.

شێر

هەوڵدەدەیت زیاتر بەتەنیا بیت و لە قەرەباڵغی دووردەکەویتەوە هەتا پشوویەک بدەیت و ئارام ببیتەوە.

گوڵەگەنم

لەگەڵ هاوڕێکانت کۆببەوە و کاتیان لەگەڵدا بەسەرببە چونکە دەکرێت یارمەتیت بدەن بۆ بەسەربردنی کاتێکی خۆش.

تەرازوو

بهێڵە وزە ئەرێنییەکانت بڵاو بێتەوە و خۆت ئامادە بکە بۆگۆڕانکاری.

دووپشک

گوێ لە داواکانی دڵت بگرەو گەر پێویستت بە پشوودانە وەریبگرە.

تیروکەوان

هەوڵبدە لە هەستەکانت تێ بگەیت و هێندە لەسەر خۆت قورس نەبیت و گەر پێویست بکات کات بەتەنیا بەسەرببە.

گیسک

سەرنجت لەسەر پەیوەندییە نزیکەکانت بێت، لەوانەیە لە لایەنی سۆزداری گۆڕانکاری باش و نوێ بەدی بکەیت.

سەتڵ

بە کاتێکی باشدا تێدەپەڕیت بۆ تەواوکردنی کارەکانت و جێبەجێکردنی پلانەکانت.

نەهەنگ
بەرەوپێش چوون و سەرکەوتن لە کارەکەتدا بەدیدەکەیت و هەمووان سەرنجیان لەسەر تۆ دەبێت. 

هەواڵ

دەرفەتی دامەزراندن بۆ خاوەن بڕوانامە باڵاکان رادەگەیەنرێت

حکومەتی عێراق پلانێکی دەستپێکردووە بۆ دەستپێکردنەوەی دامەزراندنی هەشت هەزار دەرچوی بڕوانامە باڵاکان، ئەوەش لەڕێگەی پلانێکی پێشوەختە.

بەپێی هەواڵێکی رۆژنامەی سەباحی نیمچە فەرمیی، ئەنجومەنی راژەی گشتی فیدراڵی عێراق،  بەزووترین کات دەستپێکردنی خولی سێیەمی سیستەمی کۆدکردنی بۆ دامەزراندن لە فەرمانگە حکومەییەکان راگەیاندووە.

دامەزراندنەکان بەپێی یاساکانی (95 و 67ی ساڵی 2017) دەبێت و هەشت هەزار دەرچووی پلە باڵا سودمەند دەبن، بەڵام هێشتا نازانرێت  ئەم بڕیارە لە هەرێمی کوردستان جێبەجێی دەکات بۆ خاوەن بڕوانامەی باڵا (بەکالۆریۆس، دبلۆمی باڵا، ماجستێر و دکتۆرا).

سەعد ئەللامی وتەبێژی ئەنجومەنی راژەی گشتیی فیدراڵی عێراقی بە رۆژنامەکەی راگەیاندووە، رێکارە تەکنیکی و لۆجستیەکان تەواو بوون، چاوەڕوانی رەزامەندی سەرۆکوەزیرانن بۆ دەستپێکردنی جێبەجێکردن.

 ئاماژەی بەوەشکرد، کارتی نیشتمانی وەک بەڵگەنامەیەکی بنەڕەتی بۆ داتای داواکاران پەسەندکراوە.

سەعد ئەوەشی خستەڕوو، ئەنجومەنەکەیان کارەکانی دەستپێکردووە بۆ دامەزراندنی پەیمانگایەک بۆ لێهاتوویی و پەرەپێدانی کادیری کارا بۆ فەرمانبە حکومەییەکان.