VT

کەس ئاگای لەجوتیارەکانی کوردستان نییە

هەر کە وەرزی پێگەشتنی بەرووبوومە کشتوکاڵییەکانیان دێت، جوتیارەکانی کوردستان دەستیان دەخەنە سەر دڵییان، چونکە دەبێت بیر لەساغکردنەوەی بەرووبوومەکانیان بکەنەوە.

پێگەشتنی بەرووبوومەکانیان، ئەگەر لەلایەن دڵخۆشیان بکات، لەهەمانکاتیشدا تووشی دڵەراوکێییان دەکات، ئەوان لەدڵەڕاوکێیی پێگەشتنەوە، دەپەڕنەوە بۆ دڵەڕاوکێی ساغکردنەوە.

لەهەرێمی کوردستان، ساڵانە هەزاران تەن بەرووبوومی کشتوکاڵی خراپ دەبن و فڕێدەدرێن، ئەوەش بەهۆی ئەوەی لەبازاڕەکاندا جووتیارەکان ناتوانن ساغیان بکەنەوە.

جوتیارەکان دەڵێن ئەوان ناتوانن کێبڕکێی نرخی بەرووبوومی هاوردە بکەن، بۆیە ناچاردەبن دەستەبەردای بەرووبوومەکانیان ببن.

هەواڵ

دەرفەتی دامەزراندن بۆ خاوەن بڕوانامە باڵاکان رادەگەیەنرێت

حکومەتی عێراق پلانێکی دەستپێکردووە بۆ دەستپێکردنەوەی دامەزراندنی هەشت هەزار دەرچوی بڕوانامە باڵاکان، ئەوەش لەڕێگەی پلانێکی پێشوەختە.

بەپێی هەواڵێکی رۆژنامەی سەباحی نیمچە فەرمیی، ئەنجومەنی راژەی گشتی فیدراڵی عێراق،  بەزووترین کات دەستپێکردنی خولی سێیەمی سیستەمی کۆدکردنی بۆ دامەزراندن لە فەرمانگە حکومەییەکان راگەیاندووە.

دامەزراندنەکان بەپێی یاساکانی (95 و 67ی ساڵی 2017) دەبێت و هەشت هەزار دەرچووی پلە باڵا سودمەند دەبن، بەڵام هێشتا نازانرێت  ئەم بڕیارە لە هەرێمی کوردستان جێبەجێی دەکات بۆ خاوەن بڕوانامەی باڵا (بەکالۆریۆس، دبلۆمی باڵا، ماجستێر و دکتۆرا).

سەعد ئەللامی وتەبێژی ئەنجومەنی راژەی گشتیی فیدراڵی عێراقی بە رۆژنامەکەی راگەیاندووە، رێکارە تەکنیکی و لۆجستیەکان تەواو بوون، چاوەڕوانی رەزامەندی سەرۆکوەزیرانن بۆ دەستپێکردنی جێبەجێکردن.

 ئاماژەی بەوەشکرد، کارتی نیشتمانی وەک بەڵگەنامەیەکی بنەڕەتی بۆ داتای داواکاران پەسەندکراوە.

سەعد ئەوەشی خستەڕوو، ئەنجومەنەکەیان کارەکانی دەستپێکردووە بۆ دامەزراندنی پەیمانگایەک بۆ لێهاتوویی و پەرەپێدانی کادیری کارا بۆ فەرمانبە حکومەییەکان.