Horoscopes

پێشبینی بورجەکانی ئەمڕۆ بخوێنەرەوە

پێشبینی بورجەکان بۆ ئەمڕۆ 19ی حوزەیران لە خەندان لایفەوە بخوێنەرەوە.

کاور 
لەلایەنی پیشەییەوە باشترە هاوكاری هاوپیشەكانت بكەیت، كارێك مەكە نێوانتان تێكبچێت، گرنگی بە خێزانەكەت بدە و كاتیان لەگەڵ بەسەر بەرە، رەنگە تەندروستی ئەندامێكی خێزانەكەت بەرەو خراپی بڕوات، تۆ پاڵپشتی بكە لەلایەنی دەرونییەوە.

گا
هەندێك بەربەست لەسەر رێگەتە و هەوڵێكی زۆر دەدەیت بۆئەوەی تێیان بپەڕێنیت، لەلایەنی سۆزدارییەوە هەندێك كات پێویستە بە جددی لەبارەی بابەتەكانتەوە بدوێیت بۆئەوەی بگەیت بەو ئەنجامەی دەتەوێت.

دوانە 
دان بە هەڵەكانتدا بنێ لەلایەنی پیشەییەوە و هەوڵمەدە خۆتیان لێدوربخەیتەوە، لەلایەنی سۆزدارییەوە بەهۆی رەفتارەكانتەوە خۆشەویستەكەت لێت دڵنیا دەبێتەوە و متمانەت پێدەكات.

قرژاڵ 
وزەیەكی زۆر لە ناختدا هەیە، هەوڵبدە ئەم وزەیە بۆ سودی خۆت بەكاربهێنە، لەلایەنی پیشەییەوە خۆت مەكەرە دۆخێكەوە كە نەتوانیت لێی دەربچیت و بە وریایی هەنگاو بنێ، هاوڕێیەكت داوای ئامۆژگاریت لێدەكات، باشترین هەوڵی خۆت بدە بۆی.

شێر
متمانە بەخۆبونت دەگەڕێتەوە و دوبارە دەست دەكەیتەوە بە ئەنجامدانی چالاكییەكانت بە شێوەیەكی سەركەوتوانە، ئەو وشانەی ئەمڕۆ دەیانڵێیت كەسانێكی زۆر گوێی بۆ دەگرن، ئەمەش كەسانێكی زۆرت لێ نزیك دەكاتەوە.

فەریک
چەند كێشەیەكی زۆر لە ناختدا هەیە و بەردەوام بیری لێدەكەیتەوە و مێشكی سەرقاڵ كردویت، كاتێكی زۆر بە بیركردنەوە بەسەر مەبە، هەوڵبدە كار بكە بۆئەوەی بە ڕاستی چارەسەریان بكەیت، ئێستا كاتی ئەوەیە روبەڕوی شتەكان بیتەوە بێ ئەوەی دوایان بخەیت.

تەرازو
لە ئامانجەكەت زۆر نزیكیت، متمانەت بە خۆت هەبێت، خێزانەكەت و خۆشەویستەكەت پاڵپشتیت دەكەن، تەنها وریابە لە دەرەوەی خێزانەكەت بە زویی متمانە مەكە، لەلایەنی سۆزدارییەوە كارێك مەكە خۆشەویستەكەت گومانت لێبكات.

دوپشک 
كاربكە بۆئەوەی پێگەی خۆت بەهێزبكەیت لە داهاتودا، كاتێكی باشە بۆئەوەی كاری جیاواز تاقیبكەیتەوە، هەروەها چاوةڕێ بكە كێشەكان خۆیان رێگەی چارەسەری خۆیان بدۆزنەوە، پێویست ناكات كاتی خۆتی پێوە بكوژیت.

کەوان
لەلایەنی سۆزدارییەوە بەهۆی رەفتارەكانتەوە خۆشەویستەكەت نیگەران مەبە و كەمێك واقیع بین بە، بەرەو روی داهاتو بڕۆ و دەرفەتەكان لە دەستی خۆت مەدە، چانسی ئەوەت دەبێت كەسانی نوێ بناسیت و پەیوەندییە كۆمەڵایەتییەكانت بەهێز بن.

گیسک
رەنگە هەندێك گرفتی تەندروستیت بۆ دروستبێت ئەگەر سیستمی خۆراكیت رێكنەخەیت و واز لە خوە خراپەكان نەهێنیت، لەلایەنی سۆزدارییەوە لێكتێنەگەیشتن لە نێوان تۆ و خۆشەویستەكەت رودەدات.

سەتڵ
ئامانجەكانت رون نین، هەوڵبدە بە وردی بیر بكەرەوە لەوەی چیت دەوێت و بۆچی هەوڵدەدەیت، كارێك مەكە بكەویتە دۆخێكی سەختەوە و نەتوانیت خۆتی لێدەرباز بكەیت لەلایەنی پیشەییەوە، بە وردی بیر لە هەنگاوەكانت بكەرەوە، لەلایەنی سۆزدارییەوە دەچیتە قۆناغێكی نوێوە.

نەهەنگ
دەربارەی پرۆژەكانت هیچ مەڵێ، بەتایبەتی لە نزیكی ئەو كەسانەی بە تەواوی نایان ناسیت و متمانەت پێیان نییە، لەلایەنی سۆزدارییەوە زۆر پشت بە خۆشەویستەكەت مەبەستە و هەوڵبدە زیاتر پشت بە خۆت ببەستیت، لە خواردنی شیرینی زۆر دوربكەوەرەوە.

هەواڵ

داهات و نەوت… هەولێر و بەغدا رێککەوتنی نوێ بۆ ناردنی مووچە دەکەن

داهات و نەوت حکومەتی عێراق و حکومەتی هەرێمی کوردستان دەباتەوە سەرمێزی گفتوگۆ، جێگرى سەرۆکى ئەنجومەنى نوێنەرانى عێراق دەڵێت، رێککەوتن لەسەر نەوت کراوە و  لێکتێگەیشتنى باشیش لەسەر دۆسیەی داهاتە نانەوتییەکان هەیە. 

 دۆسیەی نەوت و داهاتە نانەوتییەکان، چارەنووسی مووچەی مانگی حوزەیرانیان و مانگەکانی دواتریان بە ئەنجامدانی رێککەوتنی نوێ لەگەڵ حکومەتی عێراق بەستوەتەوە. 

بەپێی زانیارییەکانی دیجیتاڵ میدیای Mic، حکومەتی عێراق داوای نیووەی کۆی داهاتە نانەوتییەکان دەکات، بەڵام حکومەتی هەرێمی کوردستان ئەوە رەتدەکاتەوە. 

حکومەتی هەرێمی کوردستان پێشنیازی کردووە، تەنها نیووەی ئەو داهاتانە بۆ حکومەتی عێراق بگەڕێنێتەوە کە بە داهاتی فیدراڵی دادەنێرن.

هەرێمی کوردستان پشتی بە مادەی 29ـی یاسای کارگێڕیی دارایی ساڵی2019ـی عێراق بەستووە، کە تێیدا هاتووە، 50%ی داهاتی رسومات و باجی فیدراڵی لەو فەرمانگانەی لەلایەن حکومەتی ناوەندییەوە بەڕێوەدەبرێن بۆ پارێزگاکان دەبێت.

شاخەوان عەبدوڵا، جێگرى سەرۆکى ئەنجوومەنى نوێنەرانى عێراق لە لێدوانێکی رۆژنامەوانیدا بەبێ باسکردنی وردەکارییەکان زانیارییەکانی دیجیتاڵ میدیای Micـی پشتراستکردەوە و رایگەیاند، لەئێستادا لێکتێگەیشتنى باش لەسەر دۆسییەى داهاتە نانەوتییەکانى هەرێمى کوردستان هەیە. 

دۆسیەی نەوت یەکێکی دیکەیە لە تەوەرەکانی گفتوگۆ، حکومەتی عێراق داوای 280 هەزار بەرمیل نەوتی رۆژانە دەکات، هەرێمی کوردستان رایگەیاند، بەهۆی هێرشە درۆنییەکانەوە ناتوانێت ئەو بڕە بدات. 

عێراق وەک تێگەیشتنێک بۆ دۆخی بەرهەمهێنانی نەوت ئامادەیی دەبری هەر بڕە نەوتێک وەبگرێت کە لە هەرێمی کوردستانەوە رادەستیان بکرێت. 

شاخەوان عەبدوڵا، جێگرى سەرۆکى ئەنجوومەنى نوێنەرانى عێراق سەبارەت بە دۆسییەى نەوت ئاماژەی بۆ ئەوەکرد، کۆتایی هاتووە و هەرێمى کوردستان و عێراق رێککەوتنیان لەسەر کردووە.

نزیک دەبینەوە لە ناوەڕاستی مانگی ئاب، بەڵام مووچەخۆرانی هەرێمی کوردستان هێشتا چاوەڕوانی مووچەی مانگی حوزەیرانن. 

سەبارەت بە چارەنووسی مووچە و وادەی ناردنی لەلایەن بەغداوە شاخەوان عەبدوڵا وتى، لەگەڵ رێککەوتنى کۆتایی، بەغداد مووچەش دەنێرێت.

ناوەڕاستی مانگی تەمووزی ئەمساڵ، هەولێر و بەغدا لەسەر  پرسی مووچە و نەوت رێککەوتنێکییان راگەیاند، بەپێی رێککەوتنەکە هەرێمی کوردستان مانگانە بڕی 120 ملیار دینار داهاتی نانەوتی رادەستی بەغدا بکات، جگە لە رادەستکردنی بڕی 230 هەزار بەرمیل نەوتی رۆژانە بە کۆمپانیای سۆمۆ.

 دوای ئەو دوو مانگەش مانگانە 50٪ی داهاتی نانەوتی رادەست بکرێت لەگەڵ هەمان بڕی نەوت، لە بەرامبەردا، وەزارەتی دارایی عێراق مانگانە مووچەی مووچەخۆرانی هەرێمی کوردستان خەرج دەکات، بەڵام وادیارە ئەو رێککەوتنەش نەگەیشتووەتە ئەنجام و رێککەوتنی نوێ دەکرێت.