پەروەردەی سێکسی

چی بکرێت ئه‌گەر کۆندۆم لە کاتی سێکسدا بدڕێت؟

به‌كارهێنانی كۆندۆم یه‌كێکە له‌و ڕێگا باوانه‌ی له‌كاتی پرۆسه‌ی سێكسدا بۆ خۆپارێزی به‌كارده‌هێنرێت كه‌ هه‌ندێك كه‌س بۆ خۆپارێزی به‌رامبه‌ر نه‌خۆشییه‌ گوازراوه‌كانی وه‌ك ئایدز به‌كاری ده‌هێنن و هه‌ندێكیش بۆ خۆپاراستن له‌ سكپڕیی هانای بۆ ده‌به‌ن، به‌ڵام له‌ هه‌ندێك دۆخی له‌ناكاودا ڕووده‌دات كۆندۆمه‌كه‌ به‌هۆی خراپی كوالێتییه‌كه‌ی یاخوود هه‌ر هۆكارێكی دیكه‌ ده‌دڕێت.

له‌ خواره‌وه‌ وەڵامی چه‌ند پرسیارێک دەخەینەڕوو  بۆ خۆپاراستن لە دڕانی کۆندۆم:

پێویستە تا چەند خێرا مامەڵە بکەین ئەگەر کۆندۆم لە کاتی سێکسدا بدڕێت؟
ئەگەر ‌حاڵەتی دڕانی کۆندۆم لە کاتی سێکسدا ڕووبدات و کەسەکە بیەوێت لە سەلامەتی خۆی دڵنیابێت، بۆ ڕێگریکردن لە دووگیانبوون خانمان دەتوانن کەپسولی پێش بەیانیان بەکاربهێنن.

چۆن بزانیت کۆندۆمەکە دڕاوە؟
رەگەزی نێر له‌كاتی به‌كارهێنانی كۆندۆمدا راستەوخۆ هەست بە دڕانی كۆندۆمه‌كه‌ دەکات. ئەگەر  حاڵەتیکی وا ڕوبدات دەکرێت ڕاستەوخۆ لاببرێت یاخود بگۆڕێت.

بەداخەوە دڕانی کۆندۆم کارێکی ئاسان نییە بۆ هاوەڵی رەگەزی نێر تا هه‌ستی پێبكات چونکە لە ڕووی هەست و سۆزەوە به‌لای رەگەزی بەرامبەر هیچ گۆڕانكارییه‌ك دروستناكات.

بەڵام وەک ئامۆژگارییەک باشترە پاش سێکس پشکنین بۆ  کۆندۆمەکە بکرێت، بە تایبەتی ئەگەر کەسەکە دەردراوی هەبوو. کاتێک کە کۆندۆمەکە لێ دەکرێتەوە دەردراوەکە پێویستە لە قەراغەکەیدا دیاربێت ،ئەگەر لە کاتی لێکردنەوەیدا دەردراوەکە هاته‌ ده‌ره‌وه‌ لە کۆندۆمەکەوه‌ ئەوا ڕوونە کە کۆندۆمەکە دڕاوە.

بە چ ڕێگایەک کۆندۆم هەڵبگریت بۆ ئەوەی نەدڕێت؟

سەرەتا، پێویستە لە ژیانی سێکسیدا واقعی بین و پێویستە کۆندۆم لەو شوێنانەدا هه‌ڵگرین کە سێکسی لێدەکرێت و بەکاریدێنین. بۆ نموونە لە ژووری نوستن.

هەڵگرتنی کۆندۆم لە شوێنی سارد یاخود گەرمدا دەبێتە هۆی دڕانی كۆندۆمه‌كه‌. کۆندۆم نابێت لە جزدانەکاندا هەڵبگیرێت و کاتێک بەسەرچوو فڕێبدرێت چونکە لە راستیدا نرخەکەی هەرزانە و هیچ بیانوییه‌ک نییە بۆ ئەوەی کە دەستت نەکەوێت.

ڕێگایەکی دیکە بۆئه‌وه‌ی دڵنیابیت لەوەی کۆندۆمه‌كه‌ نادڕێت بەکارهێنانی کرێمە. کرێمێکی باش کە کار بکات لەگەڵ کۆندۆمەکە بۆ نمونە کرێمی سلیکۆن و ئاو.

بەڵام هەمیشە تەماشای لەیبڵی سەر کۆندۆمەکە بکە بۆ دڵنیایی زیاتر، ئەو کرێمانەی کە زەیتیان تێدایە لەگەڵ کۆندۆمی لاتێکس بەکارنایەن چونکە دەبێتە هۆی لاوازبوونی و دڕانی. سوودێکی دیکەی کرێم ئەوەیە لەگەڵ کۆندۆم باش کاردەکات بۆ بەکارهێنەرەکەی.

هەواڵ

شاندی هەرێم بۆ دوو مەبەست دەچنە بەغدا

جارێکی تر شاندێکی هەرێم دەچنەوە بەغدا بۆ گفتوگۆکردن لەگەڵ بەرپرسانی حکومەتی عێراق، مەبەستی سەردانەکە بۆ رێککەتنە لەسەر شێوازی رادەستکردنی داهاتی نانەوتی و نەهێشتنی بەربەستەکانی بەردەم هەناردەکردنەوەی نەوت.

لەکۆبونەوەی ئەمڕۆی ئەنجومەنی وەزیرانی هەرێمی کوردستاندا کە شاندی دانوستانکاری حکومەتی هەرێم لەگەڵ بەغداد ئامادەیبون و ڕاپۆرتێکیان پێشکەشکردووە لەبارەی دواین گۆرانکاریەکانی بەغداوە، باسیان لەوەکردوە بەغدا مەرجی نوێ و قورسی بۆ هەرێم داناوە بۆ خەرجکردنی موچەی مانگی حەوت و مانگەکانی دواتر.

بەپێی زانیارییەکان، بەغدا داوای لە شاندی هەرێم کردووە، سەرجەم داهاتی فیدڕاڵی ڕەوانەی بەغداد بکرێت و دواتر وەزارەتی دارایی عێراق بەنوسراو %50ـى  ڕەوانەی هەرێم بکاتەوە و هەرێم دەسەڵاتی خەرجکردنی هەبێت بۆ ئەو بڕە.

هەر بەپێی زانیارییەکان، بەغدا سورە لەسەر هەناردەکردنەوەی نەوتی هەرێم و حکومەتی هەرێمیش لە پەیامی بەغدا تێگەیشتووە کە چیتر زەحمەتە مووچە بنێرێت، ئەگەر هەناردەکردنەوەی نەوتی هەرێم دەستپێنەکاتەوە.

لە کۆبوونەوەی ئەمڕۆیدا، ئەنجومەنی وەزیرانی هەرێم، شاندی دانووستانکاری ڕاسپارد کە لە کۆبوونەوەکانی سبەینێیان کە وا بڕیارە لە بەغدا لەگەڵ هاوتاکانیان لە حکومەتی فیدڕاڵیی ئەنجام بدرێت، بەردەوام بن لە هەوڵەکانیان و پەلە بکەن لە گەیشتن بە چارەسەری گونجاو لە پێناوی هەرچی زوو دەستپێکردنەوەی هەناردەی نەوتی هەرێم لە ڕێگەی کۆمپانیای سۆمۆ.

مانگی رابردوو، هەردوو وەزارەتی نەوت و سامانە سروشتییەکان و کۆمپانیای نەوتی باکوور و کۆمپانیای سۆمۆ، کۆنووسی هاوبەشی پڕۆتۆکۆلی دەستپێکردنەوەی هەناردەی نەوتیان واژۆ کرد، حکومەتی هەرێم جەختدەکاتەوە، ئەوەی لەسەر هەرێمی کوردستان بووە، بە زیادەوە کارئاسانی پێویست کراوە بۆ لابردنی بەربەستەکان.


سەبارەت بە بابەتی هاوبەشی پێکردنی داهاتی ناوخۆی هەرێم لەگەڵ حکومەتی فیدڕاڵ، ئەنجومەنی وەزیران جەختی کردەوە لەوەی ئەم بابەتە، بە یاسای بەڕێوەبردنی دارایی فیدڕاڵیی و یاسای بودجەی عێراقی فیدڕاڵ ڕێکخراوە کە دادگای فیدڕاڵیش جەختی لێ کردووەتەوە.

داواشی کرد لە چوارچێوەی ئەم دوو یاسایە، بابەتی داهاتی نانەوتیش چارەسەر بکرێت هەروەک لە دوا بڕیاری ئەنجومەنی وەزیرانی فیدڕاڵیش جەختی لەسەرکراوەتەوە و لیژنەیەکی تایبەتمەندی هاوبەش بۆ ئەم مەبەستە پێکهێنراوە، تاوەکوو چیتر ئەم دوو بابەتە وەکوو پاساو و بیانوو بۆ خەرجنەکردنی مووچە و شایستەی مووچەخۆرانی هەرێمی کوردستان بەکارنەهێنرێت کە بە داخەوە ئێستا لە مانگی ئەیلوولین، کەچی تازە مووچەخۆران مووچەی مانگی حوزەیرانیان بۆ دەنێردرێت.