هەواڵ
شاسوار عەبدولواحید لەسەر سکاڵاکەی شادی نەوزاد بە پێنج مانگ زیندانیکردن سزادرا
2025-09-02
دوای زیاتر لە 20 رۆژ لە
دەستگیرکردنی، ئەمڕۆ دادگای سلێمانی لە سێیەم دانیشتنی-دا، بە پێنج مانگ شاسوار
عەبدولواحیدی سزادا.
ئەمڕۆ سێیەم دانیشتنی
دادگای سلێمانی لەبارەی کەسی دەستگیرکردنی شاسوار عەبدولواحید بەڕێوەچوو، دادگا
بڕیاریدا و بە پێنج مانگ سەرۆکی جوڵانەوەی نەوەی نوێی سزادا.
سزاکەی ئەمڕۆ لە کاتێکدایە، پێشتر شاسوار
عەبدولواحید بەبێ ئامادەبوونی خۆی بە شەش مانگ بەندکردن حوکمدرابوو، ئەمڕۆ حکومەکەی
بۆ پێنج مانگ کەمکرایەوە.
سزاکەی ئەمڕۆ لەسەر سکاڵای شادی نەوزادە، کە پێشتر
پەرلەمانتاری فراکسیۆنی نەوەی نوێ بووە و دواتر وازی لەو حیزبە هێناوە.
بۆ یەکەم جار سەرۆکی جوڵانەوەی نەوەی نوێ لە 21ـی
ئاب برایە بەردەم دادوە، هەفتەیەک دواتر و لە 28ـی هەمان مانگ برایەوە بەردەم دادوەر و
دادگاییکردنەکەی بۆ ئەمڕۆ دواخرا.
31ـی مانگی رابردو، وەزارەتی دارایی و ئابووریی هەرێمی کوردستان
رایگەیاند، قەرزەکانی وەزارەتەکەیان لەسەر کۆمپانیای نالیا کە شاسوار عەبدولواحید
خاوەنداریی دەکات گەیشتووەتە نزیکەی 92 ملیار دینار.
وەزارەتی دارایی ئاماژەی بەوەکرد، بەهۆی
قەرزەکانەوە دەست دەگرن بەسەر 60 موڵکی سەرۆکی جووڵانەوەی نەوەی نوێ دا و دوای
رێکارە یاساییەکان لە زیادکردنێکی ئاشکرادا دەیانفرۆشن.
موڵکەکان ژمارەیان 60 دانەیە و پێکهاتووە لە پارچە
زەوی، هۆتێل، کافتریا، کابینەی گەشتیاری و هەدێک شتی دیکەش.
رۆژی 12ـی ئابی 2025، شاسوار عەبدولواحید، سەرۆکی جوڵانەوەی
نەوەی نوێ، بە فەرمانی دادوەر لەلایەن پۆلیسی سلێمانییەوە بە تۆمەتی هەڕەشەکردن لە
شادی نەوزاد، پەرلەمانتاری پێشووی نەوەی نوێ دەستگیرکرا.
فەرمانی دەستگیرکردنەکەی جگە لە سکاڵاکەی شادی نەوزاد،
پشتی بە سێ سکاڵای تر کە دووانیان لەلایەن دوو پەرلەمانتاری
پارتی دیموکراتی کوردستان و یەکێکی دیکەشیان لەلایەن حکومەت بەستبوو.
سەرۆکی جوڵانەوەی نەوەی نوێ چەند سکاڵایەکی دیکەشی
لەسەرە کە زۆرینەیان لەلایەن خاوەن پشکەکانی چاڤیلاندەوە تۆمارکاوە، هێشتا نەجوڵێنراون.
بابەتی لێکچو
-
راوێژکاری ئاسایشی نیشتمانیی عێراق لەگەڵ دامەزراوەی ڤیژن کۆدەبێتەوە
هەواڵ2025-09-04
-
شاندی هەرێم بۆ دوو مەبەست دەچنە بەغدا
هەواڵ2025-09-03
-
سەرۆک کۆماری عێراق: گرنگە ئەنجامی توێژینەوەکانی دامەزراوەی ڤیژن جێبەجێ بکرێت
هەواڵ2025-09-03
-
لە زیادکردنێکی ئاشکرادا وەزارەتی دارایی موڵکەکانی کۆمپانیای چاڤی دەفرۆشێت
هەواڵ2025-09-03
More News
 copy.jpg)
Most Popular
-
هەناردەکردنەوەی نەوتی هەرێم.. دۆسییە ئاڵۆزەکە
هەواڵ2025-08-31
1
-
زانیاری لەبارەی هێرشەکەی سەر هێمن مامەند و دۆخی تەندروستیی
هەواڵ2025-09-02
2
-
لە زیادکردنێکی ئاشکرادا وەزارەتی دارایی موڵکەکانی کۆمپانیای چاڤی دەفرۆشێت
هەواڵ2025-09-03
3
-
خزانی دیسکی نێوان بڕبڕەکانی پشت چییە؟ نیشانەکانی کامانەن؟
تەندروستی2025-09-02
4
-
سەرۆک کۆماری عێراق: گرنگە ئەنجامی توێژینەوەکانی دامەزراوەی ڤیژن جێبەجێ بکرێت
هەواڵ2025-09-03
5
-
شاندی هەرێم بۆ دوو مەبەست دەچنە بەغدا
هەواڵ2025-09-03
6
-
ئەمریکا هەڕەشەی بڕینی تەمویلی دۆلار لە عێراق دەکات
هەواڵ2025-09-01
7
-
پارە گەیشت و دەست بەدابەشکردنی مووچەی مانگی شەش دەکرێت
هەواڵ2025-08-31
8
هەواڵ
راوێژکاری ئاسایشی نیشتمانیی عێراق لەگەڵ دامەزراوەی ڤیژن کۆدەبێتەوە
2025-09-04
دامەزراوەی ڤیژن و راوێژکاری ئاسایشی نیشتمانی عێراق چۆنێتی
کاری پێکەوەیی و هەماهەنگیان تاوتوێ کرد
راوێژکاری ئاسایشی نیشتمانی عێراق،
قاسم عەرەجی ڕۆژی چوارشەممە 3ـی ئەیلولی 2025 لە نوسینگەی خۆی پێشوازی لە عەدنان
عوسمان، سەرۆکی دامەزراوەی ڤیژن بۆ لێکۆڵینەوەی ستراتیژی و شاندێکی یاوەری کرد.
لە کۆبوونەوەکەدا باس لەڕێگەکانی
بەرزکردنەوەی هاوکارییەکانی نێوان ڕاوێژکاری ئاسایشی نیشتمانی و ناوەندەکانی
توێژینەوە، بەتایبەت دامەزراوەی ڤیژن کرا، بۆ ئاڵوگۆڕی دیدگاکان و بیرۆکە و
دۆزینەوەی چارەسەری هاوبەش بۆ ئەو پرسانەی کە بەرژەوەندی هاوبەشیان هەیە،
بەتایبەتی لە بوارەکانی ئاسایش و تەندروستی، ئاو، و وزە.
عەرەجی جەختی لەوە کردەوە کە
ڕاوێژکاری ئاسایشی نیشتمانی لە هاوکاری و هەماهەنگی بەردەوامدا دەبێت بۆ هەموو ئەو
دامەزراوانەی بەشداری لە چارسەرکردنی کێشەکاندا دەکەن و پڕۆژە دەخەنەڕوو، کە سوودی
بۆ میللەت و هاوڵاتییانی عێراق هەیە.
