هەواڵ

چۆن کەسوکاری دەستگیرکراوانی لالەزار لە چارەنوسی کوڕەکانیان دڵنیابوونەوە؟

دوای رووبەڕووبوونەوەکەی چەکدارانی لالەزار و هێزە ئەمنییەکان لە بەرەبەیانی 22ـى ئاب، لە ئەنجامدا لاهور شێخ جەنگی و پۆڵات شێخ جەنگی برای و زۆربەی فەرماندە  و ئەندامانی هێزی دوپشک دەستگیرکران.

دوای دەستگیرکردنیان، گومانی زۆر خرایە سەر چارەنوسی ئەندامانی هێزی دوپشک و چارەنوسی دەستگیرکراوان، بەڵام ئاسایشی سلێمانی هەنگاوێکی خێرای گرتەبەر بۆ دڵنیاییدان بە کەسوکاری دەستگیرکراوان.

رۆژی 23ـى مانگ، ئاسایشی سلێمانی ژمارەی تەلەفومی کەسوکاریانی لە دەستگیرکراوان وەرگرت، بەشێوەیەک هەر دەستگیرکراوێک ژمارەی تەلەفونی کەسی پلەیەکی لێوەرگیرا.

دوای وەرگرتنی ژمارەکان، ئاسایش پەیوەندییی بە کەسوکاریانەوە کرد  و لەگەڵ پێدانی ناوی سیانی بە کەسوکاری دەستگیرکراوان، دڵنیایی پێدان لە سەلامەتی گیانیان.

ئەو پەیوەندییەی ئاسایشی سلێمانی بە کەسوکاری دەستگیرکراوەکانەوە لەکاتێکدابوو، کە پرۆسەی لێکۆڵینەوە لە دەستگیراوان دەستیپێکردبوو.

بەپێی زانیارییەکانی دیجیتاڵ میدیای mic، لە دوێنێوە رێگە بە بەشێک لە کەسوکاری دەستگیرکراوان دراوە سەردانی کوڕەکاننیان بکەن و بەشێکیان رۆشتونەتە ئاسایش و کوڕەکانی خۆیانیان بینیوە.

هەرچەندە لە سەروبەندی رووداوەکەدا باس لە دەستگیرکردنی نزیکەی 100 کەس دەکرا، بەڵام ئەمڕۆ دەستی سەربەخۆی مافەکانی مرۆڤ بڵاویکردەوە، کە  ژمارەی ئەو کەسانەی لە لالەزار دەستگیرکراون  162  کەسە.

هەواڵ

MIC بە نووسراوی فەرمی ئاشکرای دەکات کە سروە عەبدولواحید دەدرێتە دادگا

دوای ئەوەی مایک بڵاویکردەوە، سروە عەبدولواحید لەلایەن دادگای سلێمانییەوە داوا کراوە، دیجیتاڵ میدیای MIC بەدواداچوونی کرد بۆ ئەو بریارەی دادگای سلێمانی.

لەبەدواداچوونەکەیدا MIC دوو نوسرای فەرمی دادگای سلێمانی دەستکەوت کە ئاراستەی سروە عەبدولواحید و پارێزەرەکەی کراوە رۆژی 23ی 12ی 2025 لەبەردەم دادگا ئامادەبن.

بەپێی نوسراوەکە سروە عەبدولواحید بە مادەی 433ی سزادانی عێراقی داواکراوە ئامادەبێت لەبەردەم دادگادا، هاوکات نوسراوی فەرمیش ئاراستەی دیوانی ئەنجومەنی نوێنەرانی عیراق کراوە کە سروە عەبدولواحید لەبەردەم دادگا ئامادەبکەن چوونکە ناوبراو ئەندامی ئەنجومەنی نوێنەرانی عێراقە و پارێزبەندی هەیە.

ئەو ماددە یاساییەی كە دۆسیەی لە دژی پەرلەمانتار سروە عەبدولواحیدی پێ كراوەتەوە، ماددە 433 ـی یاسای سزاكانی عێراقییە كە باس لە تاوانی تۆمەتهەڵبەستن بە ناڕەوا دەكات بەشێوەیەكی ئاشكرا بۆ ڕای گشتی، بەبێ بوونی بەڵگەیەكی ڕاست و دروست، كە زیانی دەروونی و مەعنەوی بە كەسی تۆمەت بۆهەڵبەستراو دەگەیێنێت و سزاكەی گرتن و پێبژاردن یاخود یەكێك لەو دوو جۆرە سزایەیە.