زانست

مارک زوکەربێرگ: مۆبایلە زیرەکەکان ئەو ئامێرەی ڕۆژانە پشتی پێدەبەستین، بەم زووانە رەنگە بەسەربچن

بەپێی ماڵپەڕی "dailygalaxy"، بەڕێوەبەری جێبەجێکاری کۆمپانیای مێتا دووپاتیکردەوە کە تەکنەلۆژیایەکی نوێ سەرهەڵدەدات و شاشەی مۆبایلە زیرەکەکان گۆڕانکارییان بەسەردا دێت و شۆڕشێک لە چۆنیەتی کارلێککردنمان لەگەڵ جیهانی دیجیتاڵیدا بەڕێوەیە.
نزیکەی سێ دەیە مۆبایلە زیرەکەکان زاڵن بەسەر ژیانماندا، بەڵام بەپێی قسەی مارک زوکەربێرگ ، خەریکە دەسەڵاتەکەیان کۆتایی پێدێت.چاوەڕوان دەکرێت لە ماوەی کەمتر لە دە ساڵدا چاویلکەی زیرەک ببێتە ئامرازی سەرەکی پەیوەندیکردنمان لەگەڵ جیهانی دیجیتاڵی.

ڕەنگە وا دەرکەوێت کە مەحاڵ بێت بەڵام پێشبڕکێکە لە ئێستاوە دەستی پێکردووە، کۆمپانیاکانی وەک مێتا و ئەپڵ و کۆمپانیا گەورەکانی دیکەی تەکنەلۆژیا ملیارەها دۆلاریان لە زیرەکی دەستکرد وەبەرهێناوە.شارەزایانی تەکنەلۆجیا پێیان وایە داهێنانی گەورەی داهاتوو نوێکردنەوەی مۆبایلە زیرەکەکان نابێت، بەڵکو گۆڕینییەتی بە تەواوەتی.

زوکەربێرگ جیهانێک پێشبینی دەکات کە هەرگیز پێویست ناکات ئامێرێک لە گیرفانی خۆت دەربهێنیت، بەڵکو هەموو کارلێکە دیجیتاڵییەکانت، وەک نامەی کورت، پەیوەندی، کات بەسەربردن و زۆر شتی تر، بە بەکارهێنانی چاویلکەی زیرەک بە شێوەیەکی بێ کێشە لەبەردەم چاوتدا پیشان دەدرێن.

هەواڵ

ئەمریکا فشارەکانی چڕکردووەتەوە.. یەکێتی دەیەوێت ئەم سێ پۆستە یەکلایی بکاتەوە

دوای نۆ مانگ لە کۆبونەوە، هێشتا یەکێتی و پارتی لەسەر پێکهێنانی حکومەت رێکنەکەوتوون، ئەمەش پێچەوانی خواستی ئەمریکایە کە فشار دەکات، پەلەبکرێت لە پێکهێنانی حکومەت و یەکێتیش دەیەوێت سێ پۆست یەکلایی بکرێتەوە.

رۆژی 20ـى تشرینی یەکەمی ساڵی رابردوو هەڵبژاردنی پەرلەمانی کوردستان ئەنجامدارا، لە سەرەتایی ئەمساڵەوە یەکێتی و پارتی دەستیان بە دانوستان کرد لەسەر پێکهێنانی کابینەی 10ـى حکوممەتی هەرێم، بەڵام داوای زیاتر لە 11 مانگ لە هەڵبژاردن، ئەو دوو لایەنە نەگەیشتوون بەڕێککەوتن.

لیژنەی دانوستانی هەردوولا کۆبونەوەکانیان بەردەوامبوو تا رەشنوسی بەرنامەی حکومەتیان پەسەندکرد و لەسەری رێککەوتن، بەڵام کە گەیشتنە سەر دابەشکردنی پۆستەکان، لیژەکان نەیانتوانی هەنگاو بنێین.

یەکێتی نیشتمانی کوردستان جەختدەکاتەوە لەوەی، دەبێت شەریکی راستەقینەی حکومەت بێت و ئەو پۆستانەی داوای دەکای پێی بدرێت بۆئەوەی بتوانێت بەڵێنەکانی هەڵبژاردن جێەجێبکات.

هەریەک لە پۆستی سەرۆکی هەرێم و وەزیری ناوخۆ ئەو دوو پۆستەن کە یەکێتی سورە لەسەر وەرگرتنیان، هەرچەندە پارتی نەرمی نواندووە لەسەر وەزیری ناوخۆ، بەڵام بەپێی زانیارییەکان یەکێتی داوای سەرکی ئەنجومەنی ئاسیشی هەرێمی کوردووە لە حاڵەتێکدا ئەگەر وەزارەتی ناوخۆی پێنەدرێت.

هەرچەندە بە فەرمی بۆچونی پارتی لەسەر داواکارییەکانی یەکێتی نییە، بەڵام بەو پێیەی نەگەیشتوون بە رێککەوتن، هۆکارەکەی ئەوەیە پارتی رازینییە هەموو داواکارییەکانی یەکێتی جێبەجێ بکات.

ئەمڕۆ بۆ دووەم جار لەماوەی هەفتەیەک بۆ پرسی پێکهێنانی حکومەتی شاندی باڵای هەردوولا بەسەرپەرشتی بافڵ تاڵەبانی، سەرۆکی یەکێتی  و مەسعود بارزانی، سەرۆکی پارتی کۆبونەوە.

هۆکاری چربونەوەی کۆبونەوەکانی یەکێتی و پارتی بۆ ئەوە دەگەڕێتەوە کە ئەمریکا هەوڵەکانی خستووەگڕ، بۆئەوەی هەردوولا لەسەر دەستپێکردنەوەی کۆبونەوەکانی پەرلەمان و پێکهێنانی حکومەت بگەن بەرێکەوتن.