تەندروستی

دوای وەرزش کردن شکولاتە بە شیر بخۆ

لێكۆڵینە‌وە‌كان كە‌ لە‌ زانكۆی (تە‌كساس) كراوە‌ ئە‌وە‌ی خستۆتە‌ ڕوو باشترین دیاری كە‌ پێشكە‌ش بە‌ جوانی و جە‌ستە‌ی بكە‌یت دوای وە‌رزش كردن (شكو‌لاتە‌ بە‌ شیر ) ئە‌نجامی ئە‌و لێكۆڵینە‌وانە‌ دە‌ریان خستوە‌، ئە‌وانە‌ی دوای وە‌رزش شكو‌لاتە‌ دە‌خۆن زیاتر ھە‌ست بە‌ ئارامی و گە‌ڕانە‌وە‌ی ھێز دە‌كە‌ن، شۆكلاتە‌كە‌ش وایان لێدە‌كات كە‌ خواردن كە‌مبخۆن.
لێكۆڵە‌رە‌وە‌كان دە‌ڵێن: پرۆتینێكی زۆر لە‌گە‌ڵ كاربۆھیدرات لە‌و خواردنانە‌دا ھە‌یە‌ و ئە‌مە‌ش ئە‌وە‌ دە‌گە‌یە‌نێت كە‌ ئە‌و (پرۆتین و كاربۆھیدراتە‌) لە‌و كاتە‌دا قازانجێكی زۆر بە‌ جە‌ستە‌ دە‌بە‌خشێت.

هەواڵ

بۆ دواخستنی هەڵبژاردن دەچێتە تاران

پرسی دواخستنی هەڵبژاردنی پەرلەمانی کوردستان، نێجیرڤان بارزانی سەرۆکی هەرێمی کوردستان و جێگری سەرۆکی پارتی دیموکراتی کوردستان، ناچار دەکات روو لەتاران بکات و لەوێیەوە پرسەکە یەکلایی بکاتەوە.

بەگوێرەی زانیارییەکان، تائێستا ئێرانییەکان، هاوشێوەی کۆمەڵگەی نێودەوڵەتی و لایەنە ئۆپۆزسیۆنە ناوخۆییەکانی هەرێم سورە لەسەر ئەنجامدانی هەڵبژاردن لە 10 ئ حوزەیرانی ئەمساڵدا، بەڵام پارتی دیموکراتی کوردستان دەیەوێت هەڵبژاردنەکە جارێکی دیکە دوابخات.

بەرپرسانی پارتی، کورسی کۆتاکان و هەندێک کێشەی نەخوێندنەوەی پەنجەمۆری دەنگدانیان کردۆتە بیانوو بۆ ئەوەی بەشداری هەڵبژاردنەکە نەکەن و داوای دواخستنی بکەن، بەڵام خوێندنەوەی ئەوەی دەکرێت پارتی بەتەواوی ترسی لە ئەنجامی هەڵبژاردنەکە هەیە و پێیوایە زۆرینەی کورسییەکانی پەرلەمانی کوردستان لەدەستدەدات و ئەگەری زۆرە نەتوانێت سەرۆکایەتی حکومەت بەدەستبهێنێتەوە.

هەر ئەوەشە وایکردوە کە زیاتر لە هەفتەیەکە نێچیرڤان بارزانی کەوتۆتە جوڵە بۆ دواخستنی هەڵبژاردن و هەفتەی رابردووش لە بەغدا بوو، بەڵام ئەنجامێکی لەسەدا سەدی دەستنەکەوت.

رووی ئەمجارەی نێچرڤان بارزانی لە تارانە و دەیەوێت لەڕێگەی ئێرانییەکانەوە هەڵبژاردن دوابخات و رەزامەندی ئەوان بەدەستبهێنێت.

بڕیارە ئەمڕۆ یەکشەممە نێچیرڤان بارزانی بۆ ئەو پرسە بگاتە تاران و لەگەڵ بەرپرسانی باڵای ئەو وڵاتە کۆبێتەوە.

داوای دواخستنی هەڵبژاردنی پەرلەمانی کوردستان لەکاتێکدایە کە زۆربەی رێکخرا و لایەنە نێودەولەتی و ناوخۆییەکان داوای ئەنجامدانی دەکەن و دواخستنی بە مەترسی بۆ سەر هەرێم دادەنێن.