فیچەر

تاقانەی دزراو

ئایە 10 ساڵ پێش ئێستا لە دووزخورماتوو ڕفێندرا، گومانمان لە سواڵكەر هەیە، ئەمە وتەی باوكی كچێكە كە ئەوكاتی ڕفێندرا تەمەنی تەنها دوو ساڵ و چەند مانگێك بووە.

  ڕۆژی جەژن بوو خۆیان ئامادەكردووە  بۆ ئەوەی قوربانی بكەن، بەڵام بێ ئاگا بوون لەوەی منداڵەكەیان دەبێتە قوربانی، باوكی ئایە دەشڵێت دوای سێ جار هاوسەرگیری ئەو منداڵەیان بووە و زۆر دڵیان پێی خۆش بووە.

پاش ماوەیەك لە گەڕان و بەدواداچوون وەك باوكی ئایە دەڵێت ژنێك تەلەفۆنی بۆ كردوون كە بەتەمای منداڵەكەیان نەبن و ڕفاندوویانە بۆ سوریا.

دایكی ئایە ئێستاش پارچەیەك جلوبەرگی جێماوی كچەكەی لەماڵەوە هەڵگرتووە، وەك خۆشی دەڵێتی دەڕۆن بۆ هەر شوێنێك ئاسوودە نین، هەموو ڕۆژێكیان وەك پرسە وایە.

هەواڵ

موقتەتا سەدر هاتە دەنگ

موقتەدا سەدر، ڕێبەری ڕەوتی سەرد، لەراگەیەندراوێكدا ڕایگەیاند،"ئەمە یەکەم ھەڵبژاردنە لەعێراق بەبێ بەشداری ڕەوتی شیعی نیشتیمانی(ڕەوتی سەدر) ئەمەش دڵەڕاوکێی زۆری لای ھاوڵاتیان دروستکردوە کە بەشداری ھەڵبژاردن دەکەن". دەشڵێت،" لەگەڵ دڵەڕاوکێی خەڵک چەندین سیناریۆ دروستکراوە کەگوایە ڕەوتی سەدر بەبەکارھێنای ھێز رێگە نادەن بگەنە سندوقەکانی ھەڵبژاردن، یاخود وتراوە، ڕەوتی سەدر فیتنە دروست دەکات بۆ ئەوەی کەشێکی ئارام بۆ ھەڵبژاردن نەخوڵقێت و بەلایەنگرییە ملیۆنیەکەی دێتە سەر شەقام و خۆپیشاندان دەکات، جەختیش دەكاتەوە،" ھەرچەندە ئێمەلەگۆڕەپانی سیاسی نەماون بەڵام ھەموو تیرەکانیان بۆ سەر ئێمەیە". سەدر لەڕاگەیەندراوەكەیدا بەبێ ناوهێنان پەیامێكی ئاگرین ئاڕاستە دەكات و دەڵێت،" ئەگەر گردبونەوەو ناڕەزایەتی و بەگژداچونەوەتان دەوێت ئێمە خۆمان خاوەنی ئەوەین و فەرموو خۆتان تاقی بکەنەوە و ئێمە لەھەڕەشەکانتان ناترسین".
دەشلێت،" ئەوەی لەگەڕانەوەی بەعس دەترسێت و خەڵکی پێدەترسێنێت ئەوە حزبێکی بێ کەڵکە".
ھەروەھا لەبارەی خزمەتگوزاری و پەرەوردەو وشکە ساڵی و تەندروستی و دۆسیەی ئەمنی پێی وایە، لەخراپترین ئاستتدان و نوسیویەتی،" ھۆزەکان لەلایەک و میلیشیاکان لەلایەک بونەتە بەڵاو خوێنی عێراقی دەرێژرێت".
لەكۆتایی ڕاگەیەندراوەكەشیدا دوپاتیدەكاتەوە،" ئێوە باسی ئەوە دەکەن کە عێراق و گەلەکەی لەگەڵتانە، کەچی گەلی عێراق بەھۆی بێ کاری و ھەژاری و نەخۆشی و گەندەڵییەوە دەناڵێنێت و رڕوی لەزیادبونیشە، كەئەو مەترسیە مەترسی ئاینی عەقیدەشە نەک تەنھا نیشتیمانی ئێوە کەی شیعە