هەواڵ
شاندێکی وەزارەتی پێشمەرگە بۆ جێبەجێکردنی یاسای خانەنشینی لە بەغدان
2025-09-30
شاندێکی وەزارەتی پێشمەرگە
لە بەغدان بۆ یەکلایکردنەوەی پرسی یاسای خانەنشینی پێشمەرگە، بڕیارە ئەمڕۆ لەگەڵ
هەریەکە لە دەستەی گشتیی خانەنشینان و بەڕێوەبەرایەتیی
گشتیی خانەنشینیی سەربازیی عێراق کۆببنەوە.
لیوا بەختیار محەمەد، ئەمینداری گشتیی وەزارەتی
پێشمەرگە لە لێدوانێکدا بۆ میدیاکان رایگەیاندووە، هەندێک ناکۆکی و نەگونجان لەسەر
یاسای خانەنشینی هەیە، دەیانەوێت یاسای ژمارە 38ـی ساڵی 2007 کە لە پەرلەمانی
کوردستان دەرچووە جێبەجێ بکرێت.
وتیشی، عێراق دەیەوێت بە یاسای ژمارە 9ـی ساڵی
2014 کار بکات، بۆیە شاندی وەزارەت لەگەڵ دەستەی گشتیی خانەنشینان و بەڕێوەبەرایەتیی
گشتیی خانەنشینیی سەربازیی عێراق کۆدەبنەوە.
روونیشی کردەوە
بەپێی یاسایی ژمارە 38ـی ساڵی 2007 خانەنشینی
پێشمەرگە زیاترە و نایانەوێت، خانەنشینان زیانمەندبن و دەبێت میکانیزمێکی گونجاو
بدۆزرێتەوە.
بەپێی زانیارییەکانی دیجیتاڵ میدیایMIC شاندەکەیی وەزارەیی پێشمەرگە لە بەڕێوەبەری گشتی و جێگری بەڕێوەبەری گشتیی خانەنشینیی
پێشمەرگە، نوێنەری ئەنجوومەنی وەزیران، نوێنەری وەزارەتی دارایی و نوێنەری یاساییی
یەکەکانی 70 و 80 پێکهاتووە.
هەر بە گوێرەی زانیارییەکان دوای کۆبوونەوەکە،
شاندەکە هەموو بابەت و پێشنیازەکان لە راپۆرتێکدا کۆدەکەنەوە و دەیدەنە حکومەتی هەرێمی
کوردستان، تاوەکو بڕیاری لەبارەوە بدرێت.
ئەوە لە کاتێکدایە، لە هەرێمی کوردستان، نزیکەی
80 هەزار خانەنشینی سەربازی هەن، بەڵام تاوەکو ئێستا مووچەیان بە هاوتاکراوی وەرنەگرتووە.
More News
 copy.jpg)
Most Popular
-
سەنتەری میترۆ: یاسای بەدەستهێنانی زانیاری جێبەجێ ناکرێت
هەواڵ2025-09-28
1
-
دوای نزیکەی 30 مانگ لە راگیرانی هەناردەی نەوتی هەرێمی کوردستان دەستیپێکردەوە
هەواڵ2025-09-27
2
-
بۆچی (خاڵ یان هێڵ)ی سپی لە نینۆکەکاندا دروست دەبێت؟
تەندروستی2025-09-27
3
-
مەسرور بارزانی و محەمەد شیاع سوودانی بەتەلەفۆن قسەیان کرد
هەواڵ2025-09-27
4
-
ئیکۆ عێراق: پشکی بەشێک لە کۆمپانیاکان دوای رێککەوتنەکە بەرزبووەتەوە
هەواڵ2025-09-27
5
-
عێراق رێکارەکانی خەرجکردنی مووچەی مانگی حەوت دەستپێدەکات
هەواڵ2025-09-28
6
-
ئەمریکا فشارەکانی چڕکردووەتەوە.. یەکێتی دەیەوێت ئەم سێ پۆستە یەکلایی بکاتەوە
هەواڵ2025-09-30
7
-
موقتەتا سەدر هاتە دەنگ
هەواڵ2025-09-29
8
هەواڵ
ئەمریکا فشارەکانی چڕکردووەتەوە.. یەکێتی دەیەوێت ئەم سێ پۆستە یەکلایی بکاتەوە
2025-09-30
دوای نۆ مانگ لە کۆبونەوە، هێشتا یەکێتی و پارتی لەسەر پێکهێنانی
حکومەت رێکنەکەوتوون، ئەمەش پێچەوانی خواستی ئەمریکایە کە فشار دەکات، پەلەبکرێت
لە پێکهێنانی حکومەت و یەکێتیش دەیەوێت سێ پۆست یەکلایی بکرێتەوە.
رۆژی 20ـى تشرینی یەکەمی ساڵی رابردوو هەڵبژاردنی پەرلەمانی کوردستان
ئەنجامدارا، لە سەرەتایی ئەمساڵەوە یەکێتی و پارتی دەستیان بە دانوستان کرد لەسەر
پێکهێنانی کابینەی 10ـى حکوممەتی هەرێم، بەڵام داوای زیاتر لە 11 مانگ لە
هەڵبژاردن، ئەو دوو لایەنە نەگەیشتوون بەڕێککەوتن.
لیژنەی دانوستانی
هەردوولا کۆبونەوەکانیان بەردەوامبوو تا رەشنوسی بەرنامەی حکومەتیان پەسەندکرد و
لەسەری رێککەوتن، بەڵام کە گەیشتنە سەر دابەشکردنی پۆستەکان، لیژەکان نەیانتوانی
هەنگاو بنێین.
یەکێتی نیشتمانی
کوردستان جەختدەکاتەوە لەوەی، دەبێت شەریکی راستەقینەی حکومەت بێت و ئەو پۆستانەی
داوای دەکای پێی بدرێت بۆئەوەی بتوانێت بەڵێنەکانی هەڵبژاردن جێەجێبکات.
هەریەک لە پۆستی سەرۆکی
هەرێم و وەزیری ناوخۆ ئەو دوو پۆستەن کە یەکێتی سورە لەسەر وەرگرتنیان، هەرچەندە
پارتی نەرمی نواندووە لەسەر وەزیری ناوخۆ، بەڵام بەپێی زانیارییەکان یەکێتی داوای
سەرکی ئەنجومەنی ئاسیشی هەرێمی کوردووە لە حاڵەتێکدا ئەگەر وەزارەتی ناوخۆی
پێنەدرێت.
هەرچەندە بە فەرمی
بۆچونی پارتی لەسەر داواکارییەکانی یەکێتی نییە، بەڵام بەو پێیەی نەگەیشتوون بە
رێککەوتن، هۆکارەکەی ئەوەیە پارتی رازینییە هەموو داواکارییەکانی یەکێتی جێبەجێ بکات.
ئەمڕۆ بۆ دووەم
جار لەماوەی هەفتەیەک بۆ پرسی پێکهێنانی حکومەتی شاندی باڵای هەردوولا بەسەرپەرشتی
بافڵ تاڵەبانی، سەرۆکی یەکێتی و مەسعود
بارزانی، سەرۆکی پارتی کۆبونەوە.
هۆکاری
چربونەوەی کۆبونەوەکانی یەکێتی و پارتی بۆ ئەوە دەگەڕێتەوە کە ئەمریکا هەوڵەکانی
خستووەگڕ، بۆئەوەی هەردوولا لەسەر دەستپێکردنەوەی کۆبونەوەکانی پەرلەمان و
پێکهێنانی حکومەت بگەن بەرێکەوتن.
