-18

هۆکارەکانی تەخت بوونی پشتە سەری منداڵ

زۆرێک لە منداڵان لە دوای لەدایک بوونیان بە شێوازێکی ناڕێک پشتە سەریان دەردەکەوێت کە ئەمەش هۆکاری خۆی هەیە و پێویستە دایکان زیاتر ئاگاداری ئەو هۆکارانە بن کە دەبیتە هۆی تەخت بوونی پشتە سەری منداڵداڵەکانیان بەشێک لە هۆکارەکانیش ئەمانەن

١-خەوتنی بە بەردەوامی لە دۆخێکی جێگیر و نەجووڵاودا. بۆ نموونە خەوتن لەسەر یەک لا.

٢- منداڵ نەخستنە سەر سک بۆ کەمکردنەوەی تەختی سەری منداڵ، هەروەها کۆنترۆڵکردنی مل گرتنی منداڵ.

٣-منداڵی دووانە کە سەریان فشاری هەبێت لەسەر یەکتر، یان ئەو کۆرپانەی کە کێشیان زۆرە لە سکی دایکیاندا .

٤- هەبوونی کێشەی ماسولکەکانی ملی منداڵ، کە وا دەکات سەری منداڵەکە لە هەمان دۆخ و لادا بمێنێتەوە.

٥- هەبوونی فشار لەسەری سەری کۆرپەلە لە پێش لەدایکبوونی لە ناو منداڵداندا.

هەواڵ

دەرفەتی دامەزراندن بۆ خاوەن بڕوانامە باڵاکان رادەگەیەنرێت

حکومەتی عێراق پلانێکی دەستپێکردووە بۆ دەستپێکردنەوەی دامەزراندنی هەشت هەزار دەرچوی بڕوانامە باڵاکان، ئەوەش لەڕێگەی پلانێکی پێشوەختە.

بەپێی هەواڵێکی رۆژنامەی سەباحی نیمچە فەرمیی، ئەنجومەنی راژەی گشتی فیدراڵی عێراق،  بەزووترین کات دەستپێکردنی خولی سێیەمی سیستەمی کۆدکردنی بۆ دامەزراندن لە فەرمانگە حکومەییەکان راگەیاندووە.

دامەزراندنەکان بەپێی یاساکانی (95 و 67ی ساڵی 2017) دەبێت و هەشت هەزار دەرچووی پلە باڵا سودمەند دەبن، بەڵام هێشتا نازانرێت  ئەم بڕیارە لە هەرێمی کوردستان جێبەجێی دەکات بۆ خاوەن بڕوانامەی باڵا (بەکالۆریۆس، دبلۆمی باڵا، ماجستێر و دکتۆرا).

سەعد ئەللامی وتەبێژی ئەنجومەنی راژەی گشتیی فیدراڵی عێراقی بە رۆژنامەکەی راگەیاندووە، رێکارە تەکنیکی و لۆجستیەکان تەواو بوون، چاوەڕوانی رەزامەندی سەرۆکوەزیرانن بۆ دەستپێکردنی جێبەجێکردن.

 ئاماژەی بەوەشکرد، کارتی نیشتمانی وەک بەڵگەنامەیەکی بنەڕەتی بۆ داتای داواکاران پەسەندکراوە.

سەعد ئەوەشی خستەڕوو، ئەنجومەنەکەیان کارەکانی دەستپێکردووە بۆ دامەزراندنی پەیمانگایەک بۆ لێهاتوویی و پەرەپێدانی کادیری کارا بۆ فەرمانبە حکومەییەکان.