Project
بە بەرزبونەوەی ناجێگری سیاسی وه‌به‌رهێنانى بیانى لە سلێمانی کەمدەبێتەوە
2025-03-13
ناجێگیرى بارودۆخى سیاسی پارێزگاى سلێمانى هۆكارێكى
كاریگه‌ره له‌سه‌ر كه‌مبوونه‌وه‌ى وه‌به‌رهێنانى راسته‌وخۆى بیانى، هەر کات ناجێگری
سیاسی بە ئه‌ندازه‌ى 1% به‌رزببێته‌وه، قه‌باره‌ى وه‌به‌رهێنانى راسته‌وخۆى بیانى
له پارێزگاکە به ئه‌ندازه‌ى له 0.22% كه‌مده‌كات.
روداوە سیاسییەکان لە پارێزگای سلێمانی کاریگەری
گرنگ لەسەر دۆخی ئابوری و وەبەرهێنانی شارەکە دروست دەکەن، بەشێوەیەک بە بەرزبونەوەی
ناجێگیری دۆخی سیاسی، گەشە و قەبارەی دۆخی ئابوری و وەبەرهێنان رو لە کەمبوونەوە دەکات.
پارێزگاى سلێمانى به‌وه ناسراوه كه زۆر هه‌ستیاره
به‌رامبه‌ر هه‌ر رووداو پێشهاتێكى سیاسی، هه‌ر له‌به‌ر ئه‌وه‌شه كه ژماره‌ى خۆپیشاندان
و مانگرتن و پێكهه‌ڵپژانه‌كانى له‌ماوه‌ى 2006-2024دا له هه‌ر سێ پارێزگاكه‌ى دیكه
زیاتره.
ئەگەرچی ئەم هەستیارییە لە لایەکەوە تایبه‌تمه‌ندى
زیندوێتى پارێزگایه، به‌ڵام له‌لایه‌كى دیكه‌وه هۆكاره بۆ هه‌ڵاتنى وه‌به‌رهێنى
بیانى و هه‌ندێكجار وه‌به‌رهێنى ناخۆییش، چونكه ئه‌سته‌مه وه‌به‌رهێنێ سه‌رمایه‌ى
خۆى له ژینگه‌یه‌كدا بخاته‌كار كه به هه‌ڵبه‌رز و دابه‌زی سیاسیدا گوزه‌ر بكات.
بەپێی توێژینەوەیەکی دامەزراوەی ڤیژن بۆ لێکۆڵینەوەی
ستراتیژی کە بە ناونیشانی "رۆڵى وه‌به‌رهێنانى راسته‌وخۆى بیانى له هه‌رێمى
كوردستان له‌نێوان ساڵانى 2006-2024 ئەنجامدراوە و پارێزگاى سلێمانى وه‌ك نمونه وەرگیراوە،
ناجێگیرى فه‌زاى سیاسی پارێزگاى سلێمانى به هۆكارێكى (زۆر زۆر) كاریگه‌ر له‌سه‌ر
كه‌مبوونه‌وه‌ى وه‌به‌رهێنانى راسته‌وخۆى بیانى دایاریی کراوە
له پێوانه‌سازیەکی توێژینەوەکەدا ده‌ركه‌وتووه
ئه‌گه‌ر ئه‌م فاكته‌ره به ئه‌ندازه‌ى 1% به‌رزببێته‌وه له‌به‌رامبه‌ردا
قه‌باره‌ى وه‌به‌رهێنانى راسته‌وخۆى بیانى له پارێزگاى سلێمانى به ئه‌ندازه‌ى له
0.22% كه‌مبوونه‌وه به‌خۆیه‌وه ده‌بینێت.
شارێكى وه‌ك سلێمانى كه 11 ساڵه بایكۆتى
ناوبه‌ناو ده‌یگرێته‌وه و 91 خۆپیشاندانى ته‌نها بۆ شایسته‌داراییه‌كانى ئه‌نجامدابێت
و 182 به‌یاننامه‌ى ناره‌زایی له‌وباریه‌وه ده‌ركردبێت،ده‌توانین بڵێین سه‌قامگیرى
سیاسی له‌به‌رده‌م پرسیاردایه،ئه‌مه‌ش ئه‌و میتۆده‌مان بۆ پشت راستده‌كاته‌وه كه
پێی وایە "سه‌رمایه ترسنۆكه و خۆى له‌و ژینگانه‌ى وه‌به‌رهێنان به‌دوور ده‌گرێت
كه به‌ناجێگیرى سیاسى ناسراون".
توێژینەوەکە پێشنیازی ده‌سته‌به‌ركردنى هاوسه‌نگی
سیاسی و ئیدارى بۆ پارێزگاى سلێمانى کردووە بۆ ئه‌وه‌ى وه‌به‌رهێنى بیانى سڵ نه‌كاته‌وه
له به‌گه‌ڕخستنى سه‌رمایه‌كه‌ى له وه‌به‌رهێنانى راسته‌وخۆى بیانى له‌و پارێزگایه‌دا، هەروەها پێشنیازی ئەوەشی کردووە، دڵنیایی بدرێت به وه‌به‌رهێنى بیانى له پاراستنى سه‌رمایه
و پرۆژه‌كانى ئه‌ویش له رێگه‌ى ره‌خساندنى ژینگه‌یه‌كى هاوسه‌نگ له رووى سیاسی و
به‌رگرتن له زۆرى خۆپیشاندان و مانگرتن و هه‌ڵكوتانه سه‌ر سه‌رمایه‌داران.
بابەتی لێکچو
-
گەمارۆی فڕۆکەخانەی سلێمانی و بۆردومانەکان وەربەرهێنانی بیانی لە سلێمانی دەتۆرێنێت
Project2025-03-13
-
بەپێی توێژینەوەیەک ئامارەکانی وەبەرهێنان لە قازانجی سلێمانیدا نییە
Project2025-03-13
-
رۆژهەڵاتی کوردستان ٢٠٢١ بە چەرمەسەری بەڕێکرد
Project2022-01-13
-
تەمووز، ئینقیلابی خوێناوی، ململانێ و پێکدادانەكان
Project2021-07-01
More News
 copy.jpg)
Most Popular
-
هەفتەی داهاتوو بەغدا مووچەی مانگی حەوت دەنێرێت
هەواڵ2025-09-25
1
-
سەنتەری میترۆ: یاسای بەدەستهێنانی زانیاری جێبەجێ ناکرێت
هەواڵ2025-09-28
2
-
دوای نزیکەی 30 مانگ لە راگیرانی هەناردەی نەوتی هەرێمی کوردستان دەستیپێکردەوە
هەواڵ2025-09-27
3
-
پێش هەشت ساڵ باشووری کوردستان ریفراندۆمی ئەنجامدا
هەواڵ2025-09-25
4
-
محەمەد شیاع سودانی و نوری مالیکی سزرا دران
هەواڵ2025-09-25
5
-
بۆچی (خاڵ یان هێڵ)ی سپی لە نینۆکەکاندا دروست دەبێت؟
تەندروستی2025-09-27
6
-
مەسرور بارزانی و محەمەد شیاع سوودانی بەتەلەفۆن قسەیان کرد
هەواڵ2025-09-27
7
-
ئیکۆ عێراق: پشکی بەشێک لە کۆمپانیاکان دوای رێککەوتنەکە بەرزبووەتەوە
هەواڵ2025-09-27
8
هەواڵ
موقتەتا سەدر هاتە دەنگ
2025-09-29
موقتەدا
سەدر، ڕێبەری ڕەوتی سەرد، لەراگەیەندراوێكدا ڕایگەیاند،"ئەمە یەکەم
ھەڵبژاردنە لەعێراق بەبێ بەشداری ڕەوتی شیعی نیشتیمانی(ڕەوتی سەدر) ئەمەش
دڵەڕاوکێی زۆری لای ھاوڵاتیان دروستکردوە کە بەشداری ھەڵبژاردن دەکەن". دەشڵێت،"
لەگەڵ دڵەڕاوکێی خەڵک چەندین سیناریۆ دروستکراوە کەگوایە ڕەوتی سەدر بەبەکارھێنای
ھێز رێگە نادەن بگەنە سندوقەکانی ھەڵبژاردن، یاخود وتراوە، ڕەوتی سەدر فیتنە دروست
دەکات بۆ ئەوەی کەشێکی ئارام بۆ ھەڵبژاردن نەخوڵقێت و بەلایەنگرییە ملیۆنیەکەی
دێتە سەر شەقام و خۆپیشاندان دەکات، جەختیش دەكاتەوە،" ھەرچەندە
ئێمەلەگۆڕەپانی سیاسی نەماون بەڵام ھەموو تیرەکانیان بۆ سەر ئێمەیە". سەدر
لەڕاگەیەندراوەكەیدا بەبێ ناوهێنان پەیامێكی ئاگرین ئاڕاستە دەكات و دەڵێت،"
ئەگەر گردبونەوەو ناڕەزایەتی و بەگژداچونەوەتان دەوێت ئێمە خۆمان خاوەنی ئەوەین و
فەرموو خۆتان تاقی بکەنەوە و ئێمە لەھەڕەشەکانتان ناترسین".
دەشلێت،" ئەوەی لەگەڕانەوەی بەعس دەترسێت و
خەڵکی پێدەترسێنێت ئەوە حزبێکی بێ کەڵکە".
ھەروەھا لەبارەی خزمەتگوزاری و پەرەوردەو وشکە ساڵی
و تەندروستی و دۆسیەی ئەمنی پێی وایە، لەخراپترین ئاستتدان و نوسیویەتی،"
ھۆزەکان لەلایەک و میلیشیاکان لەلایەک بونەتە بەڵاو خوێنی عێراقی دەرێژرێت".
لەكۆتایی ڕاگەیەندراوەكەشیدا دوپاتیدەكاتەوە،"
ئێوە باسی ئەوە دەکەن کە عێراق و گەلەکەی لەگەڵتانە، کەچی گەلی عێراق بەھۆی بێ
کاری و ھەژاری و نەخۆشی و گەندەڵییەوە دەناڵێنێت و رڕوی لەزیادبونیشە، كەئەو مەترسیە
مەترسی ئاینی عەقیدەشە نەک تەنھا نیشتیمانی ئێوە کەی شیعە
