پەروەردەی سێکسی

هۆکاری ئازاری جوتبون لای ژنان چییە؟

ژنێک دەپرسێت "من چەند مانگێکە هاوسەرگیریم کردوەو بەهۆی ئازارەوە لەکاتی جوتبون هەمووکات هاوسەرەکەم دەوەستێنم، چونکە توانای بەرگەگرتنی ئەو ئازارەم نییە، نامەوێ چیتر بەو ئازارەوە بتلێمەوە، دەبێت چی بکەم"

وتەیەکی زۆر هەڵە لەناو کۆمەڵگەی ئێمە هەیە، کەدەڵێن جووتبون بۆ یەکەم جار ئازار بەخشە، بەتایبەت کەچەندین ساڵی تەمەنی پێش زەواج بە عەیبە و شەرمە بەسەردەبەین و چاوەرێی یەکەم شەوی زەواجین و ئەو کاتەش بەهۆی ئەو ترسە زۆرەوە لە ئازار کەبۆمان دروست کراوە ناهێڵێت بگەین بە خۆشی.

جوتبون پیش ئەوەی کارێکی جەستەیی بێت، کارێکی نەفسییەو پێویستە بە مێشکێکی ئارام و لەسەرخۆ ئامادەی ئەو پرۆسەیە بیت و بەدەر لەوە ترس لە جوتبون گرژی لە ماسولکەکانی زێ دروست دەکات و ئەوەش هۆکارە بۆ بچوک بونەوەی کونی زی و دروستبونی ئازار، ئەو جۆرەش لە ئازار لەهەموو جوتبونیکدا دروست دەبیت ئەگەر مێشکی ژنەکە هەست بە ئارامی نەکات و هەندێک جار ئەنجامدانی جوتبینیش مەحاڵ دەکات و هەموو ئەمانەش بەهۆی نەبوونی هۆشیاری سێکسی پێش زەواج دروست دەبن و هۆکارێکن بۆ دروستبونی ئیلتهاب و تیکچونی هۆرمۆنەکان.

بۆ هەموو کێشە جەستەیی و دەرونیەکان کەرێگری لە جوتبون دەکەن چارەسەر هەیە و هەندێکی بەهۆی دەرمانەوە دەبێت و هەندێکیشی تەنها بە قسەکردن و رێنمایی دان بە ژن چارەسەر دەبێت و پێویستە لەم حاڵەتانەدا ژن بێدەنگ نەبێت و بە زوویی سەردانی پزیشکی پسپۆڕ بکات و ئەوەتان بیر بێت هەموو کاتێک چارەسەر هەیە و مەترسن لە قسەکردن لەو شتەی بیزارتان دەکات.

هەواڵ

سوپای عێراق ڕێگری لە دروێنەکردنی گەنمی جووتیارانی سنووری کەرکووک دەکات

هەموو ساڵێک جوتیارە کوردەکانی سنوری کەرکووک داد و بێدادیانە بەدەست عەرەبی هاوردە و تەنانەت سوپای عێراقیش چونکە رێگرییان لێدەکەن درووێنەی گەنم و جۆکانیان بکەن.

ئەمڕۆ یەکشەممە جوتیارانی سنوری پارێزگای کەرکووک رایانگەیاند کە بە بڕیاری فەرماندەی فیرقەی هەشتی سوپای عێراق سوپا رێگری لێکردوون بچن گەنمەکانیان درووێنە بکەن، لەکاتێکدا ئێستا وەرزی درووێنەیە و ئەگەر نەتوانن بی دوورنەوە دوور نییە تووشی سوتان نەبێت.

دوای رووخانی رژێمی سەدام حسین، جوتیارانی کورد و تورکمانی کەرکووک گەڕانەوە سەر ئەو زەویە کشتوکاڵیانەیان کە پێشتر بە بڕیاری مەجلیسی قیادە سەورە داگیر کرابوون و درابوون بە عەرەبی هاوردە.

بەڵام لەو کاتەوە تائێستا حکومەتە یەک لەدوا یەکەکانی عێراق نەیتوانیوە کێشەکە بۆ جوتیاران چارەسەر بکات و بگرە زۆربەی جاریش لایەنگری عەرەبە هاوردەکانی کردوە.

دوای رووداوەکانی 16 ی ئۆکتۆبەر و کەوتنە دەستی کەرکووک بەدەست هێزە عەرەبییەکانەوە، دۆخی جوتیارانی کورد خراپتر بوو، بەوەی کە بەردەوام هەڕەشەیان لێدەکرێت زەوییەکان چۆڵ بکەن، تەنانەت لەکاتی وەرزی درووێنەشدا گەنم و بەرووبوومەکانیان دەسوتێنرێت.