هەواڵ

لە دهۆک دوو کەس بەلافاوەکە خنکان و 100 ماڵیش بەر لافاو کەوتوون

شەپۆلێکی بەهێزی باران باراین ناوچەکانی هەرێمی کوردستانی گرتۆتەوە و بەهۆیەوە لە شاری دهۆک لافاوی گەورەی درووستکرد کە بەهۆیەوە دوو کەس خنکان و 15 ئۆتۆمبیلیش ژێر ئاو کەوتن.

هەروەها ئامارە سەرەتاییەکان دەریدەخەن کە 100 ماڵ لە دهۆکدا بەر لافاوەکە کەوتوون و زیانیان پێگەیشتووە.

بەڕێوەبەرایەتى گشتى کەشناسی و بومەلەرزەزانى رایگه‌یاند، لە دواینیوەڕۆی ئه‌مڕۆ بارانبارینى بە لێزمەو هەورە تریشقە دەبێت و سبه‌ی چوارشه‌ممه‌ش کاریگەرى ئەم شەپۆلە لاواز دەبێت بارانبارین لە هەندێكکاتدا دەبارێت بڕىبارانى پێشبینیکراو بۆ سەرجەم ناوچە شاخاوییەکان. 
بەڕێوەبەرایەتى گشتى کەشناسی و بومەلەرزەزانى ئه‌مڕۆ سێشه‌ممه‌ بڵاویكرده‌وه‌، "دواى کاریگەربونى شەپۆلى بارانبارین لەسەر ناوچەکەمان پێشبینى بارانبارین بە گوێرەى دوایین گۆڕانکاریەکان لە سەر ناوچەکەمان، ئەمڕۆ شەپۆلى باران بارین بەردەوامى دەبێت".
كه‌شوهه‌وای پارێزگای هه‌ولێر
سنورى پارێزگاى هەولێر ماوەى دابارین لە دواینیوەڕۆی ئه‌مڕۆ باران بارینى بە لێزمەو هەورە تریشقە دەبێت بڕى بارانى پێشبینیکراو لە سەنتەرى هەولێر (35-45) ملم هەندێك ناوچە شاخاوییەکان بۆ سەروى 50 ملم، سنورى ئیدارەى سەربەخۆى سۆران بڕى باران بارینى پێشبینیکراو لە سەرووى 60 ملم دەبێت.

لە ماوەى 24 کاتژمێرى رابردوو بڕى بارانى تۆمارکراو لە  هەندێ وێستگەى سنوورى پارێزگاى هەولێر، مێرگەسور 77 ملم، بارزان 73 ملم.
كه‌شوهه‌وای پارێزگاى دهۆک
له‌ سنورى پارێزگاى دهۆک و ئیدارەى سەربەخۆى زاخۆ زۆرترین بارانى پێشبینیکراوى دەبێت لە ماوەى کاریگەرى ئەم شەپۆلە، لە هەندێك ناوچە بۆ سەروى 80 ملم زیاتر دەبێت، بارانى تۆمارکراوى هەندێك وێستگەى سنورى پاڕێزگاى دهۆک لە ماوەى 24 کاتژمێرى رابردو، ئامێدى 73 ملم، دینارتە 61 ملم، بجیل 65 ملم.
كه‌شوهه‌وای پارێزگاى سلێمانى
له‌ سنورى پارێزگاى سلێمانى و ئیدارەى ڕاپەڕین و ئیدارەى گەرمیان لە دواى نیوەڕۆ بارانبارینى زیاتر دەبێت لە سەنتەرى پارێزگاى سلێمانى لە نێوان (40-65) ملم ناوچە شاخاوییەکان بۆ سەروى 60 ملم، ئیدارەى سەربەخۆى گەرمیان بڕى بارانى لە نێوان (30-40) ملم دەبێت ئیدارەى ڕاپەڕین بڕى بارانى پێشبینیکراوى لە نێوان (60-75) ملم دەبێت، لە ماوەى 24 کاتژمێرى رابردو بڕى بارانى تۆمارکراو لە هەندێك وێستگەى کەشناسی لە  سنورى ئەم ناوچانە: سلێمانى 35 ملم، هەڵەبجە 38 ملم، پێنجوێن 56 ملم، مەیدان 36 ملم.
سبەى کاریگەرى ئەم شەپۆلە لاواز دەبێت 
بەڕێوەبەرایەتى گشتى کەشناسی و بومەلەرزەزانی باسی له‌وه‌شكردوه‌، سبەى چوارشەممە کاریگەرى ئەم شەپۆلە لاواز دەبێت بارانبارین لە هەندێكکاتدا دەبارێت بڕى بارانى پێشبینیکراو بۆ سەرجەم ناوچە شاخاوییەکان لە نێوان (10-20) ملم وە سەنتەرى پارێزگاکان لە نێوان (5-10) ملم وە ئیدارەى سەربەخۆى سۆران و ڕاپەڕین و زاخۆ بڕى بارانى پێشبینیکراوى لە نێوان (8-18) ملم دەبێت وە ئیدارەى گەرمیان لە نێوان (5-8) ملم
 لە شەوى چوارشەممه‌ بارانبارین کۆتایی دێت ئاسمان هەر بە هەورى دەمێنێتەوە

پێشبینی دەکرێت، لە شەوى چوارشەممه‌ لەسەر پێنج شەممە بارانبارین کۆتایی بێتت ئاسمان هەر بە هەورى دەمێنێتەوە.

هەواڵ

لە قەڵادزێ بەڕێکەوت و لە فەرەنسا خنکا

لە قەڵادزێ بەڕێکەوت و لە فەرەنسا خنکا
سلێمانی - MIC
ژیلان محەمەد ئەمین، کچە کوردێکی تەمەن 24 ساڵە و یەکێکە لە قوربانییەکانی رووداوەکەی دوێنێ سێشەممەی نێوان فەرەنسا و بەریتانیا.
ژیلان لەگەڵ چەند کەسێکی دیکەدا و یەکێک بووە لەو 100 سەرنشینەی کە لەناو بەلەمێکی پەڕینەوەدابوون لە فەرەنساوە بۆ بەریانیا.
بەڵام پێش گەیشتنیان چەند کەسێک دەکەونە ناو ئاوەکەوەو دەخنکێن کە یەکێکیان ژینایە.
زانیاری ئەوە هەیە، رووداوەکە بەهۆی زۆری ژمارەی سەرنشینانی سەر بەلەمەکەوە بوبێت، بەتایبەت کاتێک کە بەلەمەکە کەوتوەتە ڕێ، ژمارەیەک کۆچبەری ئەفریقیش لەڕێگەی بەکارهێنانی فشارەوە چونەتە ناو بەلەمەکەوە و هەندێکیش دەڵێن شەڕ و ئاڵۆزی روویداوە.
هێشتا بەتەواوی هۆکاری خنکانی ژیلان و ئەوانی دیکە نییە، روونیش نییە کە ئاخۆ جگە لە ژیلان لەناو خنکاوەکاندا کوردی دیکە هەیە یان نا، بەڵام ئەوەی دەزانرێت کە بەشێکی زۆری کۆچبەرەکانی سەر بەلەمەکە عێراقی بوون و لەناو عێراقیەکانیشدا ژمارەیەک کورد هەبوون.
تائێستا نازانرێت کە ئاخۆ ژیلان محەمەد بەتەنها کۆچیکردوە یان خزم و کەسوکاری لەگەڵدا بووە.
ساڵانە لەکاتی پەڕێنەوەی کۆچبەران لەنێوان فەرەنسا بۆ بەریتانیا دەیان کۆچبەر دەخنکێن، ئەوەش لەپێناو گەیشتنیان بۆ ئەو وڵاتە و مافی بەدەستهێنانی مانەوەیان.
هەرچەندە لەچەند رۆژی رابردوودا پەرلەمانی بەریتانیا یاسای ناردنی کۆچبەرانی نایاسایی وڵاتەکەی بۆ رواندا پەسەند کرد ئەوەش وەک هەولیک بۆ رێگریکردن لە چوونی کۆچبەران بۆ ئەو وڵاتە، بەڵام لەگەڵ ئەوەشدا هێشتا کۆچبەران بە یەکێک لە وڵاتە دڵخوازەکەی خۆیان دەزانن بۆ مانەوەیان و وەرگرتنی مافی پەنابەری.